حنين
محمد جمال داخل محكمه غزل وحنين
جاءنا البيان التالى .....
تم القبض على المتهم الثانى فى قضيه أدم وهو يحاول الهروب بالقفز من فوق سور منتدى غزل وحنين
و تم ترحيله الى سجن محكمه غزل وحنين ...ليتم محاكمته
محمد جمال داخل محكمه وحنين
تٌـقرع أجراس هذا المكان ..
تنبيهاً لـ فَتحُ الأبواب ...
إستقبالاً لـ ضيوفي الكــرام ..
هُنـا اُرحب بكم ..
في ’، محـكمتـي ’، ....
التي سأكون .. قاضِيَهـا لـ استقبل ..
المتهم: الاستاذ محمد جمال
المهنه: نائب المدير العام بمنتدى غزل وحنين
التهمه المنسوبه أليه: الاجابه بكل صدق وحب
مـــحـــكــــمـــــــة ..!
بحضور هذا الجمع الكبير من الجمهور ..
نبدأ بعرض سلسلة القضايا بالترتيب ..
يرجى التزام الهدوء منعا لاتخاذ اي اجراء قانوني ..
::.... مرحبا احبتي .....::
ها قدحانت طقوس المحكمة ..
وقددقت ساعة الاستقبال ..
فـ مرحباًبكم جميعا ..
اول القضايا
حـــــــــواء يــــــــــــااادمــــــــ
*عندما تقع عينك على فتاه ما اول شئ يجذبك.؟ ولماذا؟
*مار أيك فى هذه المقوله...حواء كما الظل اذا لحقت به فر هاربا واذا سرت امامه يتبعك...؟
*ماهى صفات فتاه احلامك ؟ وهل وجدتها؟
*ماهو رد فعلك اذا فتاتك لم يعجبك تصرفاتها او ما ترتديه. ؟
*كم مرة تنازلت عن مبادئك من اجل انثى؟!! جاوب بصراحة ...؟؟
اتفضل استاذ محمد جمال الى المنصه
سفاجا
ردحذفياترى
مين
ربنا
يسطر
على
ادم
سفاجا
ردحذفربنا
معاك
يامحمد
وقعت
فى ايدى
القضاء
غزل وحنين
على كل
الرجاله
المسند
لمتهم
محمد
جمال
وندعو ربنا
ان يخرج
بسلامة
شد
حالك
كلنا
فداك
يامحمد
mgamalgad
ردحذفصباح الخير
السيد قاضي المحكمة
والسادة المستشارين
والسادة الحضور
******
*عندما تقع عينك على فتاه ما اول شئ يجذبك.؟ ولماذا؟
* ( دينه وحسبيها وجماله )
اسندنا لقول رسولنا الكريم صلي الله عليه وسلم
عَنِ أَبي هُريرة رضيَ اللَّهُ تَعَالَى عَنْهُ عَنِ النبيِّ صَلّى الله عَلَيْهِ وَسَلّم قال: " تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ بذاتِ الدِّينِ تَربَتْ يَدَاكَ "
*مار أيك فى هذه المقوله...حواء كما الظل اذا لحقت به فر هاربا واذا سرت امامه يتبعك...؟
* مقتنع بها
*ماهى صفات فتاه احلامك ؟ وهل وجدتها؟
ان تكون رومانسية
وعاشقة للحب
وان تكون ذات انثوة قوية
وان تكون ذات شخصية ليست بالقوية حتي لا تتعدي حدودها معي وحتي لا تكون متسلطة
وليست بالضعيفة حتي لا تكون منكسرة ومهملة وحتي لا اكون معها ديكتايور
وان تتقي الله فيا
وان تكون محشتمة حتي اصونها وتصونني
وتكون ذكاءه جميل
حتي تفمهني من نظرتي لها
نعم وجدتها بس لم اكون من نصبيها
فقد خسرت الدنيا بسببها وخسرت الدنيا بسببي
*ماهو رد فعلك اذا فتاتك لم يعجبك تصرفاتها او ما ترتديه. ؟
لن ارتضي بالامر الواقع
وابدي غضبي حتي يتنهي الامر بالرضا
فن لم ينتهي بالرضا نهيته بالعنف
*كم مرة تنازلت عن مبادئك من اجل انثى؟!! جاوب بصراحة ...؟؟
لم اتنازل عن مبادئي ابدا
بدليل انى لم احظى بالفتاة التى اعشقها
مقابل ما أومن بها
اتمني من عدالة المحكمة ان اكون قد وفقت فى الادانات الموجه الي
وانتظر الرفأة من قبل المحكمة واصدقائي بالمنتدي
( النهاردة عندي بكرة عندك )
حنين
حذفمحكمه
بعد النظر فى اجابات المتهم ارجو هدوؤ من فضلكم
اممممممممممممممممممم
ملخص اجابته فى القضيه الاولى
* محمد جمال ...بيهرب من اجاباته بأقوال من الدين والسنه وهذا هنا ليس مجاله
* محمد جمال....جرب الحب الحقيقى وخسر فيها حبيب القلب
* محمد جمال....رجل شرقى بيغضب اذا لقى عصيان من حواء
نسجل هذه النقاط ونشوف القضيه التانيه التى توجه له
nora medo
حذفاقتباس:
( النهاردة عندي بكرة عندك )
اعترض على هذه الجملة حيث انها من الممكن ان تؤثر بالتعاطف على اصداقاء الاستاذ محمد واعضاء المنتدى فى شهادتهم فى القضية
انين الحزن
حذف*مار أيك فى هذه المقوله...حواء كما الظل اذا لحقت به فر هاربا واذا سرت امامه يتبعك...؟
* مقتنع بها
معترضه جدا على الاجابه دى
بس هنعمل ايه
ادم هوادم ولن يتغير
بس مش اعتراض شخصى
على المتهم
استاذ محمد
ونتمى له حكم عادل والله
mgamalgad
حذفشكرا استاذة نورا على الاعتراض
بس المفروض تكوني محضر خير بس زي بعضوا
وانا متمسك جدا بتعاطف اصدقاء واخواتي حواء كمان وانتي بالاخص
شوفتي بقي
(يلا خليكي محضر خير )
mgamalgad
حذفشكرا يا شهد على اعتراضك
وبعدين فى ام المحكمة دي حواء كلها بيتعترض بس
فعلا زى .... بياكلوا .......
nora medo
حذفلالالالالالالالالا يا محمد اعمل فى البداية للمصلحة العامة حتى يصدر حكم عادل ولا يتهم القاضى بالتحيز لاى طرف وسوف اقوم بالدفاع عنك اذا تم اصدار حكم ظالم ضدك بالتاكيد لكن انا شايفة ان كل اجاباتك دبلوماسية للهروب من الحقيقة
RMAHMOUD
ردحذفمش تقلق يامحمد ياحبيبى انا فى ضهرك
ومش يهمك من اى حاجه
لو عايز تعمل مظاهره او اعتصام
احنا موجودين واخوك سفاجا ما هيصدق
بيعشق الاعتراض على اى حاجه
mgamalgad
حذفشكرا يا رامي على تواجدك ووقوفك جنبي
انا محتاجك فعلا فى وقت كله بيهرب فيه
حنين
ردحذفالقضيه الثانيه
الــــحــــــــــــــــب وانتـــــــــ
1- ما هو تعريف الحب ؟ وهل انت مرتبط؟
2-هل يمكن أن يكره الأنسان الشخص بعد أن أحبه؟
3- هل الحب عبر الأنترنت و غرف الدردشة ممكن؟ (بمعنى أن تحب شخص لمجرد معرفتك لأفكاره بدون معرفة شكله أو صوته )
4-ليه دائما الخيانه وكتر العلاقه بيكون من الراجل ويعطى لنفسه الحق فى ده؟؟
5- ماذا تفعل لو عرفت انه هناك شخص يحبك وانت لا تبادله الشعور ؟
أستاذ محمد جمال اتفضل على المنصه
mgamalgad
حذفبرئ برئ والله العظيم ما شحنتله
هو اللي حول رصيد
1- ما هو تعريف الحب ؟ وهل انت مرتبط؟
الحب هو اسما معاني الوجود
الحب هي علاقه قويه تغلب عليها طابع الطهاره والقدسيه والعفه
والصدق والوفاء والاخلاص
الحب هو الشعور الخفي الذي يتجول في كل مكان و يطوف
الدنيا بحثا عن فرصته المنتظرة ليداعب الإحساس و يسحر
العيون ليتسلل بهدوء و يستقر في غفلةٍ من العقل و رغمً عنا
داخل القلب ليمتلك الروح و الوجدان , ليسطر على كيان
الإنسان ..
الحب هو الشعور الذي يمتلك الإنسان في داخله و يطوف به
العالم حيث يشاء بأفراحه وأحزانه
اما بالنسبة للشطر الاخر من السؤال
(أمممممممم......)
لا اعرف
(ولكن يكفيني الحب لاجل الحب وبعده فليكن الطوفان )
اذن بالفعل فأنا من ضمن العاشقين
2-هل يمكن أن يكره الأنسان الشخص بعد أن أحبه؟
صعب ان يتحول الحب الحقيقي الى نقيضه
سواء كان الكره أو الصداقة
فأنا غير مقتنع بأن الحب يمكن أن يتحول الى صداقة لمجرد
انتهاء ما بينه
ولا يمكن نهائيا بأن يتحول بالكره مهما فعل الطرف الاخر
3- هل الحب عبر الأنترنت و غرف الدردشة ممكن؟ (بمعنى أن تحب شخص لمجرد معرفتك لأفكاره بدون معرفة شكله أو صوته )
الحب ما هو بالشكل
الحب عطاء
ارواح تهدي
افكار تبادل حتي تدخل الوجدان والكلام الصادق لا يجد
مكان يتعيش فيه غير القلب ....
الحب لا يعرف الكافيه او العمل او الجامعة
في اي مكان وزمان يولد ..
افكار الشخص توصف ملامحه وشكله وتفصيله اما الباقي فليس له مكان بالحب .......
4-ليه دائما الخيانه وكتر العلاقه بيكون من الراجل ويعطى لنفسه الحق فى ده؟؟
لا ليس له اى حق فى ذلك
بس تعملي اية فى العين الزيغة !!!!!
حتى تجد حقوقك لابد ان تترك الخيارات ...
5- ماذا تفعل لو عرفت انه هناك شخص يحبك وانت لا تبادله الشعور ؟
اصارحه حتي لا تعطل حياته فى انتظار شئ وهام او زائف
او حب من طرف واحد
واقف بجانبه حتي يتنهي الامر
مع ان المفضل ان اخرج من حياته حتي يزول الامر تماما
ولكن للحب لذه من يتوصل اليها
يملك الدنيا ومع فيه
لانه كنز
حتي اذا فشل يترك لك الذكريات الجميلة التى لا تنسي ابدا
كلما شعرت بها احسست أن الحياة كان لها طعم جميل
واحدة واحدة عليا ياسيادة القاضي
ربنا يتستر بقي
انا عملت اللى عليا بس الاسئلة دي صعبة قوي
تحذير هام !
(نورا خليكي فى حالك ) و (خليكي محضر خير )
واطلب هيئة المحلفين
فى ياعم المحامين
انا شايف معترضين بس
ماشين بمبدأ " نحن خلقنا لنعترض "
انين الحزن
حذفههههههههههههههههههه
حلوه مبدا خلقنا لنعترض دى
بس انتا جبته لنفسك
انا بدعيلك وقول
حكم عادل
وانتا
تقولى
زى......تاكلو ا و......
ماشى
انا بقى معترضه على كل كلمه قالها محمد
ولو جالوا محامى
انا هعار ض المحامى
RMAHMOUD
حذفانا شايف ان فى هجوم جامد اوى من بنات حواء
على محمد هى محكمه ولا مظاهره
على العموم ولا يهمك يامحمد انا معاك وفى ضهرك
جاوب ومش يهمك من اى حد
وان شاء الله براءه
ولو فى حكم غير كده هنعمل مظاهره
ونطلع نعتصم فى ميدان التحرير
mgamalgad
حذفوالله يا شهد مش عارف اقوالك اية
اكيد ليكي يوم هزنقكي فيه
وبرضه هعقد اعتراض ولو مش موجود هجيب حد يعترض لحد ما اجي
وكمان بتحاولي تقضري على هيئة المحكمة الموقرة
اقوالك انسي يا عمرو
المحكمة مش هتسخن عليا ( مش واثق من الكلام دا )
عموما برضه انا واثق من اتحاد ادم لرفع ظلم واضطهاد حواء
حمدى سليمان
ردحذفوالله يااخى يامحمد
انا خايف عليك قوى
اسئلتك صعبة والقاضى بيتلكك على الاجابات
شكله كده هيورطك توريطة كبيرة
والمستشارة نورا
بتعترض
ده كانت هتودينى في مصيبة لولا ربنا ستر
وهيا اللي هتولع القضية
دي شرانية وانا عارفة
من ساعة محكمتى
بس متخفش كلنا في ظهرك
ولو عاوز تعتصم ماسبيرو موجود
ولو مش هيكفى التحرير جنب منه
ولو مش هيكفى نروح درعا بسوريا او بنياس
حبيبنا كتير هناك وعملين اعتصمات والضرب للركب
وعجبى
الله معك يا شيخ
mgamalgad
حذفشكرا استاذ حمدي على التواجد فى الرول دا
ربنا يستر والله حواء شكلها كدة سن سكاكينها علينا جامد على الاخر
انتم السابقون ونحن انشالله بكم لاحقون
حمدى سليمان
ردحذفواللى نفعنى في المشكلة دى
المحامى احمد الديب
والمحامية جيهان
واعتراض حبيب قلبي سفاجا
ووقفة حبيبى رامى
والغالية مونى وتحليها للموقف
ولولاهم كنت روحت بلاش
وقفتهم كانت وقفة صح الصح
تغلبوا على قرارات القاضة ومستشارية
ومتخافش انت برده ادم
رغم كل الصعاب
سفاجا
ردحذفان اقولت من الاول ادم
مش هيسبو فى حالو
وانا معترض على الاتهامت المنصوب الى محمد جمال واحنا اية مفيش رحمة
الحقونا فين لجنة حقوق الانسان ان بطعن فى القضاء لقسوة قلبه على ادم وانا وكل الرجالة وراك يامحمد ممكن نعمل ثورة غضب على حواء وبكرة الجمعة كدة كدة فى ثورة يعنى سهل جدا نطالب بحقوق ادم داخل المنتدى غزل وحنين ونطالب
بالرحيل وتنحي القاضي
رودى
ردحذفبجد روووووووووووووووووعة فكرة جديدة لالالالالالالالالالالالالانج يا استاذة حنين وانتظر معكم للمتابعة شكرا للجميع وربنا معاك يا محمد وتوفق فى الاجابة على القضية الثانية
حنين
ردحذفالقضيه الثالثه
الــــــــــزواج وحياتـــــــكــــ
1-هل انت متزوج ؟ ماهى صفات الزوجه المثاليه فى نظرك وهل وجدتها فى شريكه حياتك ؟
2- هل تؤيد الزواج العاطفي ام الزواج التقليدي؟ ولماذا ؟
3- هل تقبل بزوجتك ان وظيفتها تعمل اكثر من 10 ساعات يوميا؟ ولماذا؟
4- ماذا تفعل اذا تدخلت والدتك او والدتها فى حياتكما الزوجيه؟
5- هل تلتزم دائما بعمل تغييرات ايجابيه فى حياتك الزوجيه؟ وضح بمثال
محمد جمال اتفضل على المنصه
mgamalgad
حذف-هل انت متزوج ؟ ماهى صفات الزوجه المثاليه فى نظرك وهل وجدتها فى شريكه حياتك ؟
* نعم
* قنوعة -- مدبرة -- نعمل سويا لتحسين حياتنا للافضل - معايا على الحلوة والمرة -- تعينني على ضغوط الحياة -- تكون ذات ضحكة بشوشة -- كدة يعني ....
ليست متوافر بها كل الصفات ... بس ماشي الحال
2- هل تؤيد الزواج العاطفي ام الزواج التقليدي؟ ولماذا ؟
* الزواج التقليدي ...
لانه يبدأ بالتعارف وينتهي بالتقالم مع الاخر ..
وبيدأ كل منهما بالابتعاد على التصرفات التي لا يقبلها الطرف الاخر
اما الزواج العاطفي قبل الزواج كل منهم بيعرض الجوانب الايجابية التي توجد بها وجعل الحياة زبادي خلاط !!!
اما بعد الزواج تبدأ واحدة تلو الاخرة من الجوانب السلبية التي لما يريها الطرف الاخر طول فترة تعارفها وتبدأ الخلافات والانتقادات التى تجعل الحياة بائسة ... وهذا من وجهة نظري المتواضعة ... ويعقد كلا منهما هذا الانسان الذي كنت اعرفه ويبدأ بسرد الاحداث المتشابهة وكيف كان التصرف بيها وبيدأ السواد يظهرت تحت عينه ويروح يسكر وبعد كدة يموت منتحر فى الحمام ...
3- هل تقبل بزوجتك ان وظيفتها تعمل اكثر من 10 ساعات يوميا؟ ولماذا؟
* لا مطلقا
لان حياتها الزوجيه ارقي واستثمار الوقت فى المنزل افضل لها على غرار العمل تأتي منهكة بعد 10 ساعات عمل وتبدأ بالتقصير فى اداءها بالمنزل لانها تأتي متاخرا ولا تحتاج الى الراحة وتنام بدري علشان الشغل وكدة يعني ....
4- ماذا تفعل اذا تدخلت والدتك او والدتها فى حياتكما الزوجيه؟
*اكثر من النصيحة لا اقبل ...
لان هذا ليس من شانها التدخل فى حياتي الاخري ...
5- هل تلتزم دائما بعمل تغييرات ايجابيه فى حياتك الزوجيه؟ وضح بمثال
* احاول
كلما سمح لي الوقت اذهب للتنزه
يعني احاول تحسين المستوي المعيشي كل فترة حتي لو كان تغيير بسيط حتي اكسر الملل ...
كدة يعني كفاية اسئلة محرجة بقي اية الظلم دا ....
ارجو من عدالتك ابداء شوية رحمة فى الاسئلة كدة انا اتعصرت
وبعدين الاجابات كلها تحصيل حاصل علشان طبعا مش هتعجب عدالة المحكمة ....
ارجو المرة تنال اعجابكم
فراشة الحاج سيد ....
جيهان خليل
حذفههههههههههههه
لا حول ولا قوة الا بالله العلى العظيم
تصدق يا أخى صعبت عليا فعلا ... وفى انتظار رأى المحكمة وأصدار الحكم المناسب لك وان شاء الله سوف نكون معك جميعا فى التهم المنسوبة اليك
حمدى سليمان
حذفياعينى يامحمد
ربنا معاك ياسيدى
انت كل سؤال كده ترد عليه والاجابة تيجى ضدك
ايه ياعم هو انت ناوى تحبس نفسك ولا ايه
مش عارف هتعمل معاك ايه ادارة المحكمة
واحنا هنا ياعمنا معاك
والادارة بجانبك ياسيدى
والله معك
ياعينى عليك يادم
حوا هطلع عينك
سفاجا
ردحذفالحقونا
كل ادم فى المنتدي
يدخل على المحكمة
ويكسر القفص الاتهام ويخرج محمد من القفص
علشان كدة محمد راح بين ايدى لاترحم الحقونا
انقذو ادم محمد لو مخرجش من المحكمة
هجيب التحرير هنا ونعمل
خيامة ونشوف اخرتها اية
مع حواء متخفش يامحمد
ان جهز محضر عربية نصف
نقل واقفة امام الشارع انت بس تقولو اتحركو واحنا نقوم بالواجب
mgamalgad
حذفهو دا العشم يا رجالة
مش عارف الناس نايمة ولا اية
الـــــ وقع وكترة سكاكينه
انا شايف القاضي مش عاجبه اي حاجة
وعمال يزنق عليا عمال اففلص منه ومافيش فايدة
واضح اني متوسي عليا
عموما انا قولت الصراحة
واللى انا حاسس بيا
ولكن كامل الاحترام والتقدير
وواثق فى نزاهة المحكمة وعادلها
احمد
حذفاقتباس:
هو دا العشم يا رجالة
مش عارف الناس نايمة ولا اية
sorry يامحمد ..
الموضوع خرج من أيدي ..
رئيس المحكمه كل ما يسألك سؤال ..
ترد عليه بموضوع تعبير ..
واذا أستعمل الرأفه معاك هيطسك تأبيده ..
موووووووه مع نفسك
ههههههههههههه
RMAHMOUD
حذفجرى ايه يا استاذ احمد انا قولت انك هتبقى المحامى بتاعنا
على العموم معانا ربنا
اوعى يا احمد تكون حوا عرضيت عليك رشوه
هههههههههههههههههههههه
احمد
حذفههههههههههه
لا متقلقش يارامي ..
قريت الورقه الاخيره والاجابات معقوله ..
نشوف حيثيات الحكم وربنا يسهل ..
نلاقيله ثغره من هنا والا هنا ..
بس قوله يبعت بقيت الاتعاب هههههههههههه
RMAHMOUD
حذفاتعاب ايه يا احمد القضيه دى مش فيها اتعاب
عشان دى بين حواء وادم
دى فيها كأس يترفع لفوق لما نكسب
ان شاء الله
احمد
حذفكاس ايه اللي هنرفعه يارامي ؟
ده لو أستمر الوضع على كده ..
هنلعب الدوري ف طره ههههههههههه
ياراجل ده احنا متبهدلين آخر بهدله ..
طيب جرب كده أعمل محاكمه لحواء ..
تاني يوم هتلاقي نفسك موقوف هههههههههه
RMAHMOUD
حذفتصدق عندك حق انا نسيت انا الاداره من حواء
ياله لينا رب اسمه الكريم
ربنا يتولانا برحمته الواسعه
ياله كل شىء قسمه ونصيب
انين الحزن
حذفهههههههههههههه
ماشى يامحمد
بتقول انا اتعصرت
ده انتا يارب تتعصر
لحد
منشوف منك
محمدات صغيره
يملو المنتدى
ونحبسهم واحد واحد
وبقولك اهو يااستاذ
احمد
لوفكرت بس تترافع عنه
انا
هبقى محامى معارض
وخليك فى حالك يارمى جايييييييييييييييييييييلك يوم
جيهان خليل
حذفأسمحوا لى أسجل أعتراض على هذه المقولة
اقتباس:
تصدق عندك حق انا نسيت انا الاداره من حواء
وأعتراضى أن هذه الجملة غير صحيحة لأن الإدارة لم تتكون من حواء فحسب أنما معهم أ. حمدى سليمان و أ.محمد جمال وأ. عبده وأ. رامى وأ. أحمد وأ. معتز
وفى نهاية الأعتراض ما كنش العشم هههههههههه
mgamalgad
حذفوالله عال قوي يا ست شهد وجيهان
والاستاذ رامي واحمد بيه
هنعقد نهرج ومقضينها هههههههههههه بس كله ضحك وبس
ونسيب بقي القصة اللى انا واقع فيه صح
طيب انا هاريحكوا
أستاذة حنين هاوفر عليك التكاليف
وهروح اشتري بكرة انشالله بدلة زرقاء على مقاسي علشان اقعد كدة مرررح
بس
سفاجا
حذفاحنا مشى بنكلم وبس
لا محمد احنا معاك ان جبيت الرجاله كلهم واحنا
مستنين الحكم لو فى اي حاجة طبعا الصور تواضح كل شي ممكن يحصل
اخوك المشاغب الشعب
يريد براءة النائب المدير
محمد جمال واحنا هنام هنا هنشوف اخرت حواء اية معنا
mgamalgad
حذفشكرا لمشاعرك الرقيقة
اخي سفاجا
دي العشم والله
كلمة السر كتكوت
جيهان خليل
حذففى ايه يا محمد وبعدين معاك يا سفاجا فين القاضى حنين ازاى سايب الاعتراض ده فى الجلسة مش تستنوا لما يصدر الحكم فى الاول وبعدين تعترضوا
mgamalgad
حذفلالالالا يا جيهان
اني بنأمن بس الاول
علشان اول ما الحكم يصدر هندغغ المحكمة
وثانيا علشان القاضي يفكر شوية قبل ما يعمل اى مفاجأة
يبقي عامل حسابه على الدغدغة دي
RMAHMOUD
حذفلا ياجيهان اصل احنا بنحب نعترض الاول
عشان بنقول يمكن الصوت العالى ده والاعتراضات دى يمكن تجيب نتيجه مع القاضى ويخاف
nora medo
حذفهههههههههههههههههه
على فكرة بقى انا بسجل كل الاعتراضات ديه ومش هاتكون فى مصلحة المتهم محمد جمال خااااااااالص ولذلك رجاااااااااااااائى للجميع التزام الهدوء لحين صدرو الحكم المناسب على المتهم
RMAHMOUD
حذفخليكى انتى كده وقفلنا على الواحده
انا مش عارف هو ادم ده عملك ايه
طبعا انتى ما صدقتى وفرحتى طبعا بالمحكمه دى
ليك يوم
ماشى يانورا
هههههههههههههههههه
جيهان خليل
حذفأتفضلوا نتيجة الاعتراضات المشرفة نورا
عمالة تسجل فى الاعتراضات
واخاف تكون مش فى مصلحة سيادة النائب محمد جمال
ولذلك رجااااااااااااء الهدوء حتى يصدر الحكم
mgamalgad
حذفانا بقدم استجواب للمعترضة هانم نورا
ماسكة قلم باركر وشغاله اعتراض والورق هيخلص
وحروف الكبيورد قربت تتمسح ليه كدة
ابعتوا هاتوا ولي امرها واشتكلوه
RMAHMOUD
حذفبرضو هنعترض ومش هنسكت
هنكسر وهندغدغ لو الحكم مش على مزاجنا
حنين
حذفمحكمه........هدوؤ من فضلكم.....أيه الاعتراضات دى كلها ده لسه له قضيه كمان وبعدين الحكم...فى أيه ..وشويه الرجاجيل اللى جيبنهم دول ..هو بوكس ونلمهم كلهم ...احنا محكمه سلطه ليا ولا نخاف ولا نتهدد....وسجلى يانورا ولايهمك ....والحساب يوم الحساب...واتمنى يا محمد ياجمال تدور لك على محامى من الان قبل النطق بالحكم
امممممممممممممممممم
ملخص اجابتك فى القضيه الثالثه
* محمد جمال...راضى بحياته الزوجيه
* محمد جمال ...يبذل جهده ليكون زواجه سعيد
*محمد جمال....رجل شرقى سريع الغضب
محمد جمال نتقابل فى القضيه الرابعه
جيهان خليل
حذفيعنى عاملين كل الدوشة ديه والاحتجاجات والاعتراضات ديه كلها ولسه له قضية رابعة ربنا يعينك يا محمد
mgamalgad
حذفشكرا يا جيهان على التعاطف
تعاطفك وحده موكفاية
mgamalgad
حذفاية بقي يا عم حنين
يا سيادة القاضي
هو انتي مش وراكي غير ولا اية
واخدلي اجازة ولا اية
هتخلصي الاسئلة عليا
انا اعتـــــراض
والرجاجيل اللى معايا برضه معترضين وبياكلوا شيش طاوووق علشان يقدر
ينجزه المصلحة
الزهراء
ردحذفأسمحوا لى أن أسجل أعتراضى على المحكمة وتعسفها فى الضغط على ادم بكل هذه القضايا صحيح انه فعلا اجاباته كلها تحمل الدبلوماسية لكن ارجوكم خففوا الاسئلة والاتهامات شوية عشان يقدر يرد بلا دبلوماسية ربنا معاك يا محمد لا تقلق كلنا موجودين للدفاع
mgamalgad
حذفبجد شكرا يا الزهراء على وقوفكي معي
كتر خيرك والله تمرة ا لعشرة
ووقوف واحدة من بني حواء معي يزعزع الحكم
وتبين ان القضية منحاز لبني جنسه
حمدى سليمان
ردحذفمحمد يا حبيبى
انت وقعت ولا حدش سمى عليك
ولكن الحمد لله
انضمت الى الاعتراضات اختنا الرائعه
الزهراء
واظهرت تعسف القاضى في الاتهامات
ربنا معاك يابنى
ويطلعك منها على خير
ومتخافش
العيش والحلاوة مستنين
mgamalgad
حذفشكرا يا استاذ حمدي على الواجب الجامد دي
الرجالة وقت الشدة
والناس ما تنساش السجاير معاك ال ام احمر
عشان الحر وكدة
انت عارف الحبس الاحتياطي بقي
تحياتي لوقوفك المتكرر
انين الحزن
ردحذفنعم كل ده اسمه
ضغط
كتر الاسئله مش ليه علاقه
بالردالدبلوماسى
والصراحه
وانا بقولك اهو يامحمد
ياتتحبس
ياتتحبس
والبدله على حسابى
mgamalgad
حذفماشي يس تكون من جولدين مان هاوس او ماكسس
طالما على حسابك
واضح انك هتسفيدي من حبسي مش عارف ليه
هنتقابل فى موقعة اخري
هنعمل جمعة غضب عليكم
وهنصدركوا للدول الاوروبية ونعيش بقي فى البلد وهي فاضية من غير حواء
وهنعمل احلى فلوس وكلانا هنتقرب من ربنا
سفاجا
حذفلا لا لا لا لا
بتسجل ايه
لا لا لا لا لا
احنا مش هنسكت
سيبوني
محدش
يحوش
ماشى
الحقونا
ادام
هيروح
بين
ايداي
حواء
ان جبت كل الرجاله واقعدين مش هامشى
وانا هعمل واجب من كنتاكي
يالا اللى عايز اكل ادم فقط
مش عايزين حواء تقرب
يالا بالف هنا
والفطار عند جاد بس نكون
ايد واحده ياريت افتكرو اخوكم سفاجا بيقف معاكم
علشان اللى مش هيقوف معاي بجد هزعل منه ان عملت كل حاجة علشان حقوق ادم يارب ادم يقدر
حنين
حذفجاءنا البيان التالى
تم القبض على المتظاهرين أمام محكمه غزل وحنين...وأصدار بيان شديد اللهجه أذا لم يتم فض الاعتصام سنستخدم وسائل أخرى لاتخطر على بال
احمد
حذفالوووو .. الوووو
أيوه ياسفاجا أنت فين ..
محبوس فين !..
وايه اللي وداك هناك !!
اوكي اوكي ..
خلاص خلاص متقلقش ..
لا لا مسافة السكه هكون عندك ..
اسمع ..
الكنتاكي لسه معاك والا خدوه ..
خدووه آه ..
طب وانا هاجي اعمل ايه ..
الوووو .. الوووو ..
قفل ..
هههههههههه
جيهان خليل
حذفواااااااااااضح ان الموضوع كبر اوووووووى ليه بس يا سفاجا تعمل فى نفسك كده !!!!!!!!!!!!!
هههههههههههههه
حمدى سليمان
حذفسفاجا هما يستهلوا اكتر من كده
عاوزين نعملة مظاهرة مليونية
الجمعه الجاية
في العباسية
علشان لو حصل حاجة نعرف نهرب كويس
وهات معاك شوية مولتوف يالتوفى
وخلى بالك من نفسك وانت جاى
وانت يا احمد خلى بالك علشان القضى مفتح عنيه عليك اليومين دول
وربنا يجعله عامر
سفاجا
حذفانا مش محبوس يااحمد
وانا محدش يتريقة علية
انت شكلك فى صف حواء
مش مع ادام المفروض ترد عليهم مش ترد علية وعموم ان بدافع عن حق ادام بصورة ثقافية لذيذة
واحنا يااستاذه حنين لم نيائس انا لس برة مفيش حد هيخليني اسكت عن حقوق ادم وشوفي رد
احنا واقفين امام باب المحكمة
ان حساس ان ادم فى المنتدي قليل جدا حتى احمد بحس انه مش معانا
ياريت نضم كل ادام فى المنتدى ونشارك فى كل متاهم نقف جانبه هى دى المظاهرت بدون تخريب احنا ندافع عن ادم بشكل محترم والكل داخل المحاكمة بس عايزين نقف مع بعض ونكون ايد واحده مع كل متهم يدخل القفص
وانا واثق فى عادله القاضى بس احنا بنشجع بعض مشى يااحمد مش بنقف قدم بعض
احمد
حذفهههههههههههههههه
حبيبي سفاجا
معاش ولا كان اللي يتريق عليك
كده برضو ياسفاجا مكنش العشم
وانا اللي متشحور بين المحاكم والاقسام
عشان خاطركم وآخرتها تقولي مشمعاكم
وبعدين أنا احب اجيب من الآخر
أشوف بس الحكم وأتفرج ع الدلع
هتشوف أخوك هيعمل ايه
وبعدين الحبس مشعيب
ماياما عظماء اتحبسو
أنت فين دلوقت !!
سفاجا
حذفلااحمد ان عايزك تقف معانا
مش عايزين يخده فكره ممكن نستسلم بسهولة لزم نعرفهم مش من سهل ان ادم يتحاكم بسهوله بدون اي تحذير علشان اخوك حمدي طلع من المحاكمة بصعوبة ولس فى كتير داخلين لزم نرعب الخصم ونعرفهم يعني اي ادم ان جيب ليك كنتاكي وحاجة ساقعة كنت منتظر منك المعرضه القوية لفك الاشتباك فى الثورة ادم على حواء وانا جيبت رجاله
ونايمين فى الشارع من يومين وجيبت رجاله وعملين مظاهرت ان قولت بانكم مش هتسكتو فزعلت لم لقيتك بتهزر بس
علشان لم يشوفه ان بعمل ايه ويقوله احنا بنتريقة على نفسنا انت كده اديدهم فرصة بس انا مزعلتش منك ان زعلت على رد فعلك
سفاجا
حذفانا محدش يقدر يمسكني
يااحمد ياحمدي اهربه ان هربت محمد جمال
حمدي حاول تكتب حاجة
النهارده علشان انت فضلك اخر محاولة او تيجي معاي ان ومحمد مسافرين حاول تهرب معانا اوتكتب اخر قصيدة
وانا محدش يقدر يمسكني
mgamalgad
حذفاوكي انا هسلم نفسي
على مزعزع موقفي فى القضية موضوع الدعوة
احمد
حذفشوف شغلك ياسفاجا
مفيش فايده
طربقها يا نجم
هههههههههههههههه
حنين
ردحذفأنــــــاقــــــتك يااادمـــــــــ
1- يوجد لديك بدلة بيضاء ولا تعلم لون الحذاء المناسب الذي ترتديه معها هل هو الأبيض أيضا أم لون آخر؟
2- ما هي الطريقة المثلي لربط أزرار الجاكيت ذو الأربعة أزرار؟
3- هل تتبع الموضه أثناء شراءك ملابس جديده حتى لو لايناسب ذوقك ولا عادى؟
4- هل الجوارب يجب أن يتناسق لونها مع لون البنطلون أم لون القميص؟
5- اذا لفت نظرك أناقه صديق لك كيف تتصرف؟
أستاذ محمد جمال على المنصه
mgamalgad
حذف1- يوجد لديك بدلة بيضاء ولا تعلم لون الحذاء المناسب الذي ترتديه معها هل هو الأبيض أيضا أم لون آخر؟
* ممكن اللون البني
2- ما هي الطريقة المثلي لربط أزرار الجاكيت ذو الأربعة أزرار؟
* الزر اللى فى الوسط
3- هل تتبع الموضه أثناء شراءك ملابس جديده حتى لو لايناسب ذوقك ولا عادى؟
* لا اتعامل على الموضة اطلاقا
4- هل الجوارب يجب أن يتناسق لونها مع لون البنطلون أم لون القميص؟
* البنطلون
5- اذا لفت نظرك أناقه صديق لك كيف تتصرف؟
* اقول له احسنت الاختيار وذوق مناسب
اية الحلاوة دي يا وله
|
حنين
حذفمحكمه
وبعد اجابه محمد جمال على القضيه الرابعه نوضح الاتى
امممممممممممممممممم
* محمد جمال ....لايهتم بالموضه
* محمد جمال....لايوجد عنده تناسق فى الالوان
الحكم بعد المداولة رفعت الجلسة
جيهان خليل
حذفاقتباس:
* محمد جمال ....لايهتم بالموضه
* محمد جمال....لايوجد عنده تناسق فى الالوان
هذه الاتهامات تتنافى تماما مع محمد جمال الذى اعرفه جيدا رجاء اعادة النظر فى هذه الاتهامات
RMAHMOUD
حذفالله عليكى ياجيهان
الحمد لله انى لاقيت حد يوافقنى نفس الرأى
يارب المحكمه تنظر لهذه الألتمسات
حنين
ردحذفكلمه صدق
بجد بجد أنا مش عارفه أشتغل معاكوا ....من أول ما الموضوع أبتدى ..والجميع شاركوا فيه بأسلوب جميل ورائع وبتلقائيه ليست موجوده فى اى موضوع بالمنتدى....أشكر كل أدم شارك ودافع عن نفسه...وأشكر حواء اذا كانت من المعترضين أو المؤيدين.....بس بجد بجد سفاجا عايز وسام
على فكره نجاح هذا الموضوع بحضوركم وصداقتكم والصراع الدائم بين أدم وحواء
تحياتى وتقديرى لكم جميعا
حنين
ردحذفمحكمه
بعد الاطلاع على ملفات القضية
* محمد جمال ...بيهرب من اجاباته بأقوال من الدين والسنه وهذا هنا ليس مجاله
* محمد جمال....جرب الحب الحقيقى وخسر فيها حبيب القلب
* محمد جمال....رجل شرقى بيغضب اذا لقى عصيان من حواء
* محمد جمال...الهروب من الاجابات الصريحه بألاقوال والتعاريفات المعروفه لدى الجميع....وهذا ليس مجاله
*محمد جمال....اجاباتك تحاول ان تكون مثاليه وهذا بغرض تشويش فكر المحكمه
* محمد جمال...راضى بحياته الزوجيه
* محمد جمال ...يبذل جهده ليكون زواجه سعيد
*محمد جمال....رجل شرقى سريع الغضب
* محمد جمال ....لايهتم بالموضه
* محمد جمال....لايوجد عنده تناسق فى الالوان
بالنظر لثبوت الادلة ضد المتهم قررنا مايلي
حكمت المحكمه على محمد جمال:
* نشر 3 مواضيع فى منتدى شئون أدم عن الاناقه للرجل فى خلال أسبوع ليفهم معنى الاناقه
* أختيار 3 قصائد شعريه فى الرومانسيه ويكون الرد عليهم بما يشعر به قلبه فى وقته..وليس ردا تقليديا كما عودنا...خلال أسبوع
* طرح 3 مواضيع عن العلاقه بين الزوجين (نصائح زوجيه-أمراض العلاقه الزوجيه-تربيه أطفالهم) فى خلال أسبوع
رفعت الجلسه
الزهراء
حذفكويس جدااا يا محمد اعتقد لو عملت الموضوعات ديه هاتكون خرجت من القضية ومن المحاكمة
RMAHMOUD
حذفسيدتى القاضيه.......حضرات المستشارات
ألتمس من حضراتكن تخفيف الحكم على المتهم
(محمد جمال).
وذلك لأنه ليس هذا محمد اللى عرفناه
من المؤكد فى حاجه غيرته
أرجو من حضراتكن أعادة أستجوابه فى القضيه الاخيره
لأن انا واثق أن مش هى دى أجاباته
ولكم منى جزيل الشكر
رامى محمود......محامى المتهم
انين الحزن
حذفهههههههههههههه
اخيرا يامحمد
جالك محامى
بس عشان تعرف انى مع الحق
رامى معاه حق
وانا المره دى
مش
هعااااااااااااااااااااااااااااااارض
حمدى سليمان
حذفلالالالالالالالالالالالالالالالالالالالالالالالالالا
ده ظلم واتضهاض بقي
احنا سكتنا سكتنا وهما بيتنططوا علينا
ده ما ينفعش حكم ظالم وباطل
سفاجا فجر الكنابل العنقودية
وشوية نابلم في القسم
علشان المحكمة تبطل الاحكام الرادعه دى
وياعم احمد انت هتسيب ادم يتظلم
ياعم المحامى اشتغل
انت كسبت قضيتى
عاوزين نكسب القضية دى
و لا شكلنا هيبقي كتير مش كويس
واللى اسمها حواء
هتشمت فينا
الاتعاب والمصاريف عندى ياعم ومتخافش
عايزين مرافعة متخرش المية
ووريهم القضية الحمرا
وخليها نار
نار نار نار
القاضي ده غدار
ومحمد يطلع برة
الحكم اخر المداولة
وياقاضى امشى امشى
الحكم مش هيمشى
واتكلم انت وهيا
احكامك مش معديا
يالله يا جماعه هجوم على حواء
mgamalgad
حذفشكرا لك يا انين لوقوفك جانبي فى الوقت الاخير والمناسب
تحياتي
حنين
ردحذفمحكمه
أرجوا ألتزام الهدوؤ....بعد النظر فى أوراق الطعن المقدم من رامى محامى المتهم قررنا الاتى
تحول اوراق القضيه الرابعه الى مشرفات قسم شئون أدم للنظر فى أجابات أسئلته وفى انتظار الرد
رفعت الجلسه
انين الحزن
حذفسياده القاضى
بكل صراحه
محمد بيشارك
فى اغلب المواضيع بالقسم
ان لم يكن جميعها
ولكن
مشاركه عاديه
لاتكشف عن شخصيته او طبيعته الحقيقيه
يشارك ايضا فى قسم الاناقه
ولكنه صريح بان قال لااهتم بالموضه
فهو حقا كذلك
اما عن راى الشخصى
فيمكن ان يكون شخص لايهتم بالموضه
ولكن عنده تناسق فى الالوان
لايلبس موضه نعم
ولكن يلبس ملابس شيك
رجاء استجوابه مره اخرى
واعطاءه فرصه الاستجواب
احمد
حذفمتستعجلش ياريس ..
هظبط دماغي وجايلك ..
بصور الورق .
احمد
حذفسيدي الرئيس
حضرات المستشارين
أتقدم لعدالتكم بهذا الاستئناف متضامناً مع هيئة الدفاع عن المدعى عليه في القضيه المسجله برقم (2)لعام 2011م جنايات غزل دائرة شئون آدم وفي البدايه أطلب من عدالتكم اثبات حضور كل من الاستاذ رامي محمود المحامي والاستاذه جيهان خليل المحاميه بصفتهم شهود عيان ونفي في القضيه وتسجيل مرافعة الاستاذ سفاجا المحامي في مضبطة الجلسه وأثبات تعهد الاستاذ حمدي سليمان بتحمله أتعاب القضيه واثبات عدم معارضة الاستاذه أنين في قبول طلب الاستئناف (حظك حلو كنت ناوي أتقدم ببلاغ يتهمك بالتزوير في أوراق رسميه وأنتحال شخصية الاستاذه شهد )وكذلك اثبات أقتراح الاستاذه زهراء الطيبه (بأن نقوم بلم الدور في القضيه دي اللي ما يعلم بيها الا ربنا )وحيث أن الطعن مقدم في موعده أرجو من عدالتكم قبوله شكلاً وفي الموضوع أتقدم لعدالتكم بالآتي:
مع أحترامنا وتقديرنا للحكم الصادر من هذه الدائره الا أنه جاء في أسبابه ما يوجب نقضه على النحو التالي:
أولاً:تم توجيه الاتهام الى المدعى عليه في التهم التي أشارت اليها الاستاذه جيهان وهي:
1- لايهتم بالموضه
2- لايوجد عنده تناسق فى الالوان
سيدي الرئيس
ان توجيه الاتهام الى المدعي عليه بعدم اهتمامه بالموضه جاء استناداً الى افادة المتهم في تحقيقات النيابه العامه بأنه "لا يتعامل مع الموضه اطلاقاً" وتعلمون عدالتكم الفرق الشاسع بين عدم الاهتمام وعدم التعامل والتي نصت عليهما صراحةً الماده رقم (2)من قانون آدم الصادر عام 2011م والتي نصت في فقرتها الثانيه على أن"عدم التعامل يعني عدم التعاطي مع الشىء محل التعامل ليس أهمالاً له برمته ولكن تحسباً لعدم ملائمته "
وحيث أن الثابت في تحقيقات النيابه العامه ان المتهم رجل شرقي يتحسب لمظهره ويحرص على أن يكون ملائماً له وحيث جرت العاده والعرف ان الموضه في أحيان كثيره تأتي بما لا يليق برجل شرقي أن يرتديه ولا يخفى على عدالتكم ما وصلت اليه الموضه في بعض الاحيان من إسفاف لذا فإن المتهم لا يتعاطى معها جملةً وأنما يختار منها ما يناسبه كرجل شرقي مما يعني تفسير أقوال المتهم له لا عليه ويجعل ادانته بهذه التهمه مشّوب بعيب مخالفة الماده المذكوره مما يتعين معه ردها.
ثانياً:
تم توجيه الاتهام الى المدعى عليه بأنه لا يوجد عنده تناسق في الالوان أستناداً الى اقواله في التحقيق معه بشأن الاسئله المتعلقه بالالوان وهي:
- هل الجوارب يجب أن يتناسق لونها مع لون البنطلون أم لون القميص؟
* البنطلون
- يوجد لديك بدلة بيضاء ولا تعلم لون الحذاء المناسب الذي ترتديه معها هل هو الأبيض أيضا أم لون آخر؟
* ممكن اللون البني
سيدي الرئيس
أفاد المتهم في أقواله أن الجوارب يجب أن تتناسق مع لون البنطلون والحقيقه لا أدري اي جرم أرتكبه !؟ وهل يختلط الزيت بالماء !؟ أكرر هل يختلط الزيت بالماء ؟!
( أمال لو قال أنه مبيلبسش شراب كنت عملتو فيه أيه ! )
2- يوجد لديك بدلة بيضاء ولا تعلم لون الحذاء المناسب الذي ترتديه معها هل هو الأبيض أيضا أم لون آخر؟
* ممكن اللون البني
سيدي الرئيس
-تعلمون عدالتكم أن اللون البني درجات في منه "بني فاتح وبني أفتح وبني قريب جداً من البيج وبني محروق وبني قريب جداً من الاسود وبني محوج وبني متنيل بستين نيله "وتعلمون ان البدله البيضاء يتناسب معها نسبياً حذاء ابيض أو بيج فاتح اللي هو شبه البني اللي قريب من البيج أو اي لون مشابه لهم وبعدين سيادتك عارف ان عملية اختيار الالوان وتناسقها تختلف من شخص لآخر بشكل نسبي فما أراه انا مناسب قد يراه غيري غير مناسب وهذا لا يدين المتهم طالما لا يرتدي ولايوجد دليل على أرتداءه ما يمكن اتهامه عليه بعدم التناسق .
وحيث أنه لا توجد قاعده محدده ثابته أومعايير واضحه يمكن الاستناد اليها لتحديد مدى ملائمة وتنسيق اللون الذي أختاره المتهم لحذائه ولمّا كانت الموضه تخرج علينا كل ساعه بما هو جديد فيصبح الاخضر مع الاحمر والزيتي مع العنابي والكرنبي مع اللموني وعليه فلا يوجد دليل قاطع يمكن الاستناد اليه لتوجيه تهمة عدم التناسق الى المتهم ولمّا كانت القاعده القانونيه " لاعقوبه بدون نص "وحيث أنه لا يوجد نص يحكم تناسق الالوان في ظل وجود الموضه التي غالباً ما تعبث بهذا التناسق وعليه تكون تهمة عدم التناسق مخالفه للقاعده القانونيه المذكوره مما يتعين معه ردها.
لكل ما تقدم وحيث أفاد شهود النفي ببراءة المتهم من هذه التهم مما يعد قرينه دامغة وبناءً على ما تقدم من أدله واثباتات نطلب من عدالتكم نقض الحكم محل الاستئناف والحكم ببراءة المتهم من هذه التهم وحذف عبارة "ليفهم معنى الاناقه "من نص الحكم وتخفيف العقوبه ولعدالتكم الشكر والتقدير .
والسلام عليكم ورحمة الله وبركاته.
حاضر عن المتهم وهيئة الدفاع
المستشار .أحمد الديب
الزهراء
حذفمرااااااااافعة متميزة يا استاذ احمد
ومع جيهان فى طلبها
بذكر الحكم واضح ببرائته من التهم المنسوبة اليه
mgamalgad
حذفشكرا سفاجا على المرافعة
انشالله نردهلك
mgamalgad
حذفشكرا رامي على المرافعة
تحياتي
mgamalgad
حذفشكرا الزهراء على الصورة الطبية التى قدمتها
تحياتي وتقديري لوجودي جانبي
mgamalgad
حذفشكرا أستاذ حمدي لحقتني فى الوقت المناسب
الحمدلله جاءت لحد كدة
وخلص نفسك بقي انت فى الحكم
وشكرا على الاتعاب اللى دفعتها
ربنا يوقفلك ولاد الحلال
mgamalgad
حذفشكرا جيهان خليل على الطعن التى انقذني من الاحكام دي
صعبة جدا
تحياتي وتقديري
مش خسارة فيكي الحلاوة
يلا اختاري
mgamalgad
حذفاخي الكريم
حبيب قلبي
انقذتني يا عم
اخير فهمت يا وديع
شكرا جزيلا لما قدمته فى القضية موضو ع الدعوة
لقد هللت فكر القاضي
وشهادة الشهود
تحياتي يا استاذي العظيم
احمد
وبرضه هحليلك بقك
شكرا جزيلا
حنين
ردحذفمحكمه
بعد النظر فى التقرير المقدم من مشرفه قسم الجمال والاناقه وشئون أدم وجاء فى صالح المتهم
بعد النظر فى العريضه المقدمه من المحامى رامى- سفاجا - احمد الديب وايضا المحاميه جيهان خليل تطلب أعاده التحقيق
قررنا التالى وهو حكم نهائى لايقبل بعدها اى طعن
حكمت المحكمة حضوريا :
* طرح كل يوم موضوع فى قسم الكتب الالكترونيه لمده أسبوع حيث هذا القسم محتاج التنشيط بعرض كتب جديده
رفعت الجلسه
جيهان خليل
حذفاقتباس:
* طرح كل يوم موضوع فى قسم الكتب الالكترونيه لمده أسبوع حيث هذا القسم محتاج التنشيط بعرض كتب جديده
كويس جدا ... الى جانب هذا الحكم لابد وان تذكرى حكم براءة محمد جمال من التهم المنسوبة إليه وهى
اقتباس:
1- لايهتم بالموضه
2- لايوجد عنده تناسق فى الالوان
رجاء اعلان الحكم حتى نتأكد أنه نهائيا ولا رجعة فيه
سفاجا
ردحذفالف الف الف الف الف
الف الف الف الف الف
مبروك واحنا مع ادم لغيت اخر جلسة وربنا يستر على الجاي
جيهان خليل
ردحذفشكرا لك يا سيادة المستشار حنين على النطق بالحكم الواضح والصريح وقبول المذكرة المقدمة فى شأن الاستاذ محمد جمال واناشده بتنفيذ الحكم المخفف عليه بوضع موضوعات فى قسم الكتب الالكترونية
mgamalgad
ردحذفشكرا سيادة القاضي
ومجموعة الناس اللى معاكي دول
على نزاهكم فى الاحكام المجبرين عليها
الحمدلله اللى كان فيه ناس تعرفيني وعارفه انا شكلي اية
وانا معاه ادم لاخر الجلسة
nora medo
ردحذفالف الف الف الف الف الف الف
مبروووووووووووووووووووك
محمد جمال بجد بجد بجد
فرحتلك من قلبى
وبصراحة من غير المستشار أحمد الديب
كانت صعب جدااااااااااااااااااا
اثبات برائتك
انين الحزن
ردحذفمبرووووووووووووووووووووووووووك
محمد البراءه
وشكرا انا بس قولت الصراحه
ومره تانيه مبروك البراءه
احمد
ردحذفههههههههه
أخيرااااااااااااااااً
ألف مبرووووووووووووووووك البراءه ياعمنا
وبقول خلاص بأه كفايه كده ولا أييييه ؟
حمدى سليمان
ردحذفالف مبروك
محمد على البرأة
والحمد لله ما اقدرتش حواء تنتصر على ادم
ومتشكرين احمد باشا
والله من غيرك ومرافعتك الجميلة ديى كنا رحنا في بورتوا طرة
وكمان الاستاذة جيهان والاستاذة مونى وقفوا معانا
وشكرا لكل من ساند ادم وكان واقف بجوارة
ومننساش الآخ المعارض والجميل سفاجا فيما قام به من اعتراضات وهروب
ووقف رامى معان
ده اجنا كنا رحنا ومرجعناش
وعجبي