أحنا الغلطانين علشان زرنا جيجى

أحنا الغلطانين علشان زرنا جيجى

مساء الورد والنرجس والفل والياسمين على حبايب قلبى الغاليين

ربنا يجعلهم دايما سعداء وفرحانين وبرمضان والصيام متهنيين ومبسوطين

حدوتى اليوم لاتتحكى ولاتتوصف...هذا ماحدث فى عزومه جيجى

وانا بعتذر لها كتير أحنا الغلطانين

قررنا نحضر عزومه الفطار فى منزل جيجى وخاصه اننا سنجتمع مع أعز الاصدقاء...أبتدوا ولادى يجهزوا

سفاجا ابنى المشاغب خرج من غرفته وفى أيده كيس كبير سألته معاك أيه قال: انا حاقابل رامى هناك وحنلعب بلاى ستيشن بدل مانقعد كده مانعملش حاجه

يابنى ماينفعش احنا رايحين نلعب ولا نتكلم مع بعض....رد : لالالالالا ده اتفاق مع رامى

واخيرا خرجت أبنتى الصغنونه من غرفتها ما هذا الجمال والاناقه...وجهت لها رآى بعد الفطار انتى والبنات تدخلوا المطبخ وتنظفوا وترتبوا المطبخ

نظرت لى بغضب :لالالالالالالالالا ماينفعش ملابسى وأناقتى ...لالالالالالا ادخلى انتى مش صاحبتك

يابنتى ماينفع انتم صغيرين والمفروض تساعدونا ومعكِ عاشقه وشهد وايمان حتخلصوا بسرعه

وأخيرا خرج الاب : سيبى العيال براحتهم دايما أوامر أوامر.....يالا بينا

وصلنا لجيهان وكان اللقاء جميل مع كل الاخوه والاحباب والسفره عامره بكل ماتشتهى الانفس وضحكاتنا تملأ بيتها الجميل

بعد الفطار اللى حصل وصل.....زوجى ذهب للصلاه مع جميع الرجال...وابتدينا نجلس الكبار نتسامر ونتناقش فى العزومه وتركنا الشباب والشابات

وفجاءه سمعت صوت ......أبنتى الغاليه كسرت الاطباق الصينى جميعا ....يالهوى وبتتشاجر مع البنات وابتدت الاتهامات

يالهوى سمعت صوت آخر...ابنى ورامى ومحادثه غير لائقه لان رامى كسبه وبمنتهى الغضب شد فيشه الكهربا حدثت قافله

جيهان وجهها أحمر وشغلت الكهربا وكان زوجى وصل وقال شكرا رمضان كريم وخرجنا بسرعه

قبل ماتحكموا عارفه ان ولادى غلطانين ....وبعتذر لجيهان مره أخرى