ابو تميم الشاعر ضيفى على الفطار
الاخوه الاعزاء
كل عام وانتم جميعا بخير
فى شهر رمضان تمتلئ ربوع العالم الاسلامى بالخير
وتكثر الدعوات على موائد الرحمن سواء فى البيوت او الساحات
وتتجمع الصحبه والاخوه فى ضيافة كرم الله فى شهر رمضان
اننا ايضا نتجمع كل يوم بعد يوم مع ضيف
على مائده منتدى غزل قلوب مصريه
ندعوه ونحكى معه على ذكرياته فى رمضان
استعدوا الى لقاء
تميم الشاعر ضيفى الفطار
الشاعر/ ابو تميم
تميم الشاعر ضيفى الفطار
اهلا اهلا بحضرتك اتفضل فى قاعه الجلوس
تميم الشاعر ضيفى الفطار
ضيفنا اليوم .... أخ عزيز على قلوبنا
أمتعنا كثيراً فى هذا الصرح العملاق
بكم وبتواصلكم قدم الكثير للرقي بهذا المكان الرائع
معكم إنسان رائع يحب الكل.....
هو.. ذلك الإبداع المتواصل .. ذلك الحب الجارف ..
انسان رقيق...وراااائع اخلاقه عالية
يحمل في قلبه روح الجد والمرح
ووجوده معانا شرف لنا
الكلام عنه يطول .. ويحتاج إلى الكثير من الوقت
شرفتنى اخى العزيز.....ابو تميم الشاعر
استعد ياصديقى الى مجموعه من الاسئله
تميم الشاعر ضيفى الفطار
نــســـــــــــــتــقــبــلك ونــفــــــــــــرش طــريــقـــــــــــــك بــالــورد ..
ونــــعــطـــــــــر حــبـــــــــر الــكــلــمــات بــالــــــــــمــســك والــعــنــبــــر ..
ونــنــتــظـــــــر الإبـــــداع مــع نــســـــــمــات الــلــيــل وســكــونــــــــــه ..
لــتــــــــــصــل هــمــســات قــلــمــك إلــى قــلــوبــنــــــــا وعــقــولــنــــا ..
رحبوا معي بضيفنا
ابو تميم الشاعر
ردحذفالاخت نشوى
اهلا وسهلا
وحضرتك طيبة وبخير وصحة وسعادة وهناء ورحمة ومغفرة وعتق وقبول وإجابة الدعوات بفضل مالك الأرض والسموات .
فى انتظار اسئلتك
دعاء الكروان
ردحذفارحب اجمل ترحيب بالاخ العزيز وساكون ثانى المرحبين بكم
كل عام وحضرتك بخير
اهلا بضيفى الغالى
ردحذفاهلا دعاء نورتينى وشرفتينى
اخى ابو تميم
ردحذفنبدـأ جزء من الاسئله قبل الفطار
1 ممكن نتعرف على حضرتك من خلال البطاقه الشخصيه
2حدثنا عن ذكريات الصيام ورمضان ..ومتى كان اول رمضان قمت بصيامه ؟
3 عمرك أفطرت من ورى أهلك ؟ماذا كان عقابك؟
4 ما هو برنامجك اليومي في شهر رمضان المبارك ؟
5 ختام القران الكريم في هذا الشهر كم مره
6 موقف طريف اأاوجميل \وآخر أليم حصل لك في رمضآن؟؟
ابو تميم الشاعر
ردحذفاهلا بالخت دعاء الكروان
كل عام وانتى بخير
نبدا الاسئله
بسم الله الرحمن الرحيم
* أنا إسمي / أشرف إبراهيم
مواليد القاهره منطقة الدرب الأحمر
من حته إسمها خوش قادام
عند بوابة المتولي أو كما كان يطلق عليها باب زويله
قلب القاهره الفاطميه
مواليد 12/يناير
ههههههههههههه
هو لازم السنه ولا بلاش
ههههههههه
أنا مواليد 1961
لسه شباب يعني ..
ههههههههههههه
متزوج
عندي أربع بنات وولد واحد
ساكن في مدينة نصر
منطقة الزهراء
عمارات ضباط الجيش
حاصل على بكالوريوس التجاره عام 1985
إلتحقت بوظيفة محاسب ثالث في بنك التعمير والإسكان وتدرجت في البنك حتى رئيس قسم
خرجت من البنك معاش مبكر للتفرغ للكتابه
لإن أنا أحب الشعر واللغة العربيه منذ ان كنت في أولى إعدادي وكنت أيامها بكتب خواطر على قدى كده
كان عندنا ف المدرسه مدرسه لغه عربي إسمها سولافا كانت دايما تشجعني على الكتابه والقراءه والتثقف
درست علم العروض وعلم النحو والصرف وعلم الإلقاء دراسه حره بنفسي لنفسي
وكان بيساعدني وقتها الأساتذه العظام ..
خيرات عبد المنعم .. بجريدة الأيام ،
والأستاذ الكبير .. عبد الفتاح البارودي .. الناقد الأدبي المعروف .
والأستاذ العلامه .. عبد العظيم عبد الحق .. الفنان والملحن والممثل العبقري
رحمهم ا
رحمهم الله جميعا
طبعا انا طولت عليكي ف التعريف بس صدقيني
انا بافتخر باني مصرى جدا ومن قلب القاهره الفاطميه
وكمان بافتخر باساتذتي العظام جدا إللي علموني ماهو الشعر
وفيه حد مهم جدا ف حياتي لازم تعرفوه
المستشار جمال عبد الحليم رئيس محكمة النقد آن ذاك
و دا كان بيعمل ندوه او صالون ادبي في مكتيه بمصر الجديده عام 1980
وكنت ب اتلقى من اساتذتي دروس العلم عنده ف المكتب لحبه الشديد لي وللأدب
قبل بداية صالون الأربعاء بساعتين
وبعد ما تملكت ادواتي
كان الأستاذ الكبير فاروق شوشه نصحني في إحدى الندوات وقاللي
لازم تتقدم للجنة نصوص الإزاعه
وبالفعل تقدمت للجنة نصوص الإذاعه بأغنيتين
ونجحت وفي نفس اليوم حضرت ندوه في جمعية الشبان المسيحيه مع صديق لي شاعر
إتعرفت في الندوه على الشاعر الكبير إبراهيم عيسى وطبعا دا غير إبراهيم عيسى أبو حمالات ههههههه
وقاللي إنت لازم تعمل ديوان لإن أشعارك رائعه
وكانت الفرحه ف اليوم دا فرحتين
عملت بعد كدا ديوان والتاني
وباحاول دلوقت أنشر الديوان الثالث
......................................
* عن ذكريات رمضان والصيام
أنا طول عمري من صغري وأنا بأصوم وعمري ما فوت صيام رمضان أبدا من سن 7 سنين
وأذكر في رمضان
عام 1988
كان فيه ندوه على النيل في احدى النوادي وكان فيه كاتبة قصص قصيره
إسمها إنجي سندباد
المهم إحنا رحنا قبل الفطار وجلسنا للإفطار أولا قبل الندوه
وقبل المغرب
قبل الأذان إنجي مسكت كوب ماء ورشفت رشفه
وعدوك ع اللي انا عملته
إنتي بتشربي قبل الأذان .... إنت مفطره .. طاااب حافظي على شعور الموجودين ... حرام عليكي
وهزأت إنجي تهزيئ جامد جدا
وكل الناس قعدين يضحكوا
وقررت أمشي
لولا إن إنجي قامت وقالتلي أنا آسفه بس كلهم عارفين إني مسيحيه
وإتأسفت لإنجي وبقينا أصحاب جدا من اليوم دا
.............................................
*انا عمري مافطرت من ورا أهلي خالص بس هههههههههههههههه
عمي محمد الله يرحمه كان دايما وإحنا صغيرين يجي يوم الوقفه والكعك جاي م الفرن الصبح
كان يرحم بنا كأطفال ويقول إنهارده عيد الشباب ويعملنا شاي بلبن ويجبلنا الكعك ويفطرنا ههههههههههههههههه
....................................
*برنامجي المفضل في رمضان زمان كان فوازير شريهان
وحديث الشيخ الشعراوي
دلوقت مافيش حاجه بتشدني
...........................................
*كل سنه العيله كلها بنتسابق على ختم القرآن
وطبعا بأختم كل سنه وخصوصا وأنا حافظ نصفه
..................................
*موقف جميييييل
آه
مره كنت شغال في مصنع أحذيه أخي الأكبر مجدي في منطقة باب الشعريه
وكان عيد الفطر يوم الإثنين والمفروض نعيد ونقبض يوم السبت قبل الفطار
وانا خلصت وعاوز اروح بعد العصر
ومستني اقبض
عاوز أشتري لبس العيد
قاللي اخويه روح انت وانا ح أقبضك ف البيت
مشيت وانا متضايق جدا لإن القبض أيامها كان 30 جنيه تقريبا
مبلغ طبعا
وعاوز انجز واجيب لبس العيد يعني كدا مش ح انزل غير يوم الوقفه الأحد
المهم .. وقفت على محطة الأتوبيس عشان أركب وأروح
وكان قبل المغرب بساعتين
وانا متضايق جدا وباكلم ربنا
هو دا ينفع كدا اعمل إيه بس يارب
وفجأه
الاقي رزمة فلوس جنب الرصيف
وطيت واخدتها .. وفضلت واقف استنى حد يسأل عليهم لمدة ساعه
وخلاص مبقاش ع الفطار إلا نصف ساعه
شاورت لتاكسي وركبت ع البيت
وقعدت اعد الفلوس ف التاكس
لقيتهم 300 ج
وكانت ليله يا عمده هههههههههههههههههههه
أما أسوأ موقف
لما كنت عاوز اروح عمرة رمضان من 3 سنين
ومجهز نفسي والفلوس وكل حاجه
بس جت ظروف طارئه وماروحتش
اتمنى اكون وفقت فى الاجابه
اسفه للتاخير
ردحذفالنت مش انا
حضرتك تطول زى ما انت عايز المايك معك واحنا مستمتعين بذكرياتك الجميله
معانا كمان مشمشه وبلورتها السحريه اتفضلى معنا
مشمشه
ردحذفمساء الخير اوصباح الخير
اسفه للتأخير كان فى شغل لى فى خيمه اخرى
بلورتى يابلورتى شايفه ايه دلوقتى
الاسم أشرف ابراهيم
انت عنيـد ومدمن للعمل ، تكرس نفسك له بإخلاص تام .. أنت من النوع الذي ينجح عادة في أي عمل يقوم به وفي تكوين ثروة له لكنك تبالغ احيانا في الطموح وتكون أحيانا قاسيا بلا رحمة .
انك عملي إلي حد بعيد. ما تخطط له هو ما تناله ولكنك غير صبور. وكذلك فإنك لا تطير فرحاً بأي شخص يحاول أن يكون لطيف معك ويتودد إليك.
بالنسبة إلي شخصيتك فإنك رزين الطبع ، جذاب ، مهذب ، متفتح ، لا تقفز إلي إستنتاجات عشوائية ،وأكثر من ذلك فلابد أن تشعر بالحماس من أقرانك أو شركائك حتي تستمر في علاقاتك معهم.
وحتي تستمر في علاقاتك فأنت تحتاج إلي الحب وتحتاج بشدة إلي الإحساس بأنك مقدر من الطرف الأخر. ومن هنا فإن الإنجذاب العاطفي والحسي المتبادل مهم جداُ بالنسبة إليك.
إختياراتك جيدة جداً ولا يؤدي إلا للمشاكل ولكنك بالرغم من كونك قنوع فأنك أناني.
حضرتك أحـيانا مباشـر إلى درجــة الشراسة والعـدوانية في إثـبات وجهـة نظـرك إنـت قــائد وتريد إثبات وجـودك في العالم كله.
انت تملك أفكارا جيـدة وأصيـلة وتمـلك طمـوحا عـاليا وحمـاسا ويتحب العمل والحركة وتكره الهـدوء والجلوس.
أشرف ابراهيم,
أنك شخصية تنافسية جداً و تضجّ بالطموح والقوة , شخصيتك الرائدة والميالة للسلطة تجعلك محط انظار الجميع , انت شخصية ميالة للسيطرة ولكن الآخرون يتبعونك دائما بثقة وعن طيب خاطر في قراراتك التي تمشي بها
اتمنى ان اكون اصبت
شكرا مشمشه سهرتك معى
ردحذفنبدأ الجزء الثانى من اسئلتنا
*شخص تتمنى دعوته لتناول الإفطار معك من اهلك
* تحب تنعزم في رمضان ولا تحب تفطر في البيت ؟
*هل تحب الافطار برمضان في مطعم من باب التغير
*أذكر لنا عادة سيئة يرتكبها الكثيرون في شهر رمضان.
ابوتميم الشاعر
ردحذفههههههه
من ناحيه سهرتينى اكيد بس لحظك اننا فى رمضان
متشكر جدا على السفره الاسكندرانى كلها سمك
متشكر مشمشه اصبتى بنسبه 80%
...................................
*الشخص دا هو أخويه هشام وأسرته
لإنه من 30 سنه ما فطرش عندي ف البيت
*أما عن رغبتي في الإفطار خارج البيت
أوافق
بس بشرط
ف إسكندريه
ويكون سمك
هههههههههههههه
......................................
*دا لازم
بس بعد النص الاول
ههههههههههههههه
..........................................
*العاده السيئه إللي يرتكبها الكثيرون مشاهدة المسلسلات
اكيد حيكون لنا لقاء قريبا فى الاسكندريه
ردحذفاخيرا رساله او نصيحة بخصوص اغتنام رمضان توجهها لاخوانك واخواتك.
ابو تميم الشاعر
ردحذفما تضيعش الجنه من إيدك
وكمان ما تنسى دنياك
وهواياتك
إعمل لآخرتك كأنك تموت غدا
واعمل لدنياك كانك تعيش أبدا
وشكرا لكم على اللقاء الممتع
ورمضان كريم
شكرا لك اخى على هذا اللقاء الممتع
ردحذفونتقابل غدا مع ضيف جديد وسهره ممتعه