أبعد ياشيطان أبعد ياشوشو

 أبعد ياشيطان أبعد ياشوشو

مرحبا بكم حبايب قلبى الغاليين الطيبين
ومساء الخير اولا على البنات لان السيدات اولا لان الذوق بيقول كده والا ايه ههههههههه
ومساء الخير وميت فل على الشباب الطيبين
ومساء الخير على كل من فى المنتدى الحلو
حدوتة اليوم عن ايه ياترى عن زوجى (انا عارفاه غــــــــدار وعيونو زايغـــــــه )
هايطلقنى عرفت من نظرة عينيه دائما بيكلم اللى معاه فى الشغل ويقعد معاهم ساعات طويله على الاتصالات
ومابيعبرنيش ومش مهتم ببيتو وفى رمضان دايما خارج البيت .ومابيقعدش
معاى. ولا بيكلمنى. ولاوى بوزو علياوبيبصلى بأستهزاء .
حتقولوا ايه السبب من يوم ماأصبح مدير شركه . يعنى ضرتى بقت الشركه اللى هومديرها بعد ماكترت فلوسو . والفلوس تعمى النفوس وشكلوا عايز يغير كل حاجه حتى انا.
وانااحساسى بيقول كده .
يعنى كل اللى عندى تخمينات وظن ووهم وربما وممكن وجايز طب كل ده وصلنى وأكدلى علشان فى رمضان يفطر عند اصحابه وزمايلوا بحجه العمل والمنصب الجديد
هو سايبنى أفكر والشياطين كلها بتعمل اجتماع فى راسى انه اهملنى وحيطلقنى...حاولت أهرب من شوشو مش بيمشى....دائما استعيذ من شيطان نفسى مش عارفه
الله يجازيك ياشوشو ده احنا فى رمضان شهر الرحمه والمغفره وبيتسلسل فيها الشياطين

•