الخلايق نايمه ليه ! - منتديات غزل وحنين

الخلايق نايمه ليه ! - منتديات غزل وحنين

 
الخلايق نايمه ليه !

---

الصبح فتح عنيه

والخلايق نايمه ليه

عم جمعه دكانه قافل

لسه نايم ولا غافل

واللى ماشى يفرك عنيه

واللى بوزه طوله شبر

والى بينادى يا صبر

كنت نايم جوه قبر

دفنت حلمى مع كل صبح

خساره جايه مبشفش ربح

واللى جايب رزمه جرايد

عمال يدور على الفوايد

والكلام كذبه بحبر

رحت قافل رمش عينى

ولاقيت ودانى بتندينى

اسمع كلام اقول ده صح

اجرى ادور يقولى بح

الاقى نفسى جوه نفسى

بتقول ياريت كان فى نفسى

مش لقمه هكولها

ولا كلمه اقولها

الحكايه اهلى وناسى

اللى قاعد هادى وراسى

اتريه محشش بجوزه وكراسى

واللى نايم وليله صبح

يطارد خياله بكل قبح

يائس بحلمه وابداعه

يشكى هواجسه واوجاعه

رافع لربه ايديه

ولما يطلع الصبح عليه

ينام ويغمض عنيه

ولما الصبح يفتح عنيه

متقلش الخلايق نايمه ليه



#sherefabdulla_

• 
  
  
  
• |
•