كانت اللقمة جارحها الشوف ...
ومعدي ...
كانت الكلمة سارقها الخوف ...
ومهدي ...
كانت العيشة ماليها السم ...
من بدري ...
كانت الضحكة في عز زعلها ...
بتنسي الهم ...
حتي النكتة يوم ماصابتها ...
عيون الغم ...
نسيت روحها ...
لما شافت بقع الدم ...
طلعت تجري من حواليها ...
وصوتها بيزعق من جواها ...
في إيه ياخلق ... في إيه ياعم ...
دول ناسي ...
ودول أهلي ...
والدم ده دمي ...
أه يابلد ...
قمنا نطفي حريق أيامنا ...
ولعنا فيها ...
نزيح أوجاع سكتنا ...
غدرنا بيها ...
نبني ...
هدمنا ...
نعلي ...
ردمنا ...
نسقي زهور الأمل ...
شربة أمل ...
سقيناها ...
حقد وغل ...
وفرقة وألم ...
آه يابلد ...
فتحي عيسي
Ni dhfg]
from منتديات غزل قلوب مصرية http://ift.tt/2n41Gxh
via IFTTT
ليست هناك تعليقات:
إرسال تعليق