قال يعني دمي خفيف للشاعر علاء البلتاجي
حوار بين النفس و الضمير
ديمـا واقفلي فـي سكتـــي عقبـه
وكل حاجـه بتكـون عليـك صعبـه
و إي حـاجـه بعملهـا مش عاجبــه
علشان سيادتك عاملي فيهـا شـريـف
ياعـم شوف دي دنـيا فيها كتير
لما باعوك عايـشـين في نعمه وخير
أخـري هبيعـك زيهم ياضــمير
او هركنـك جنـب اي رصيـف
ياضميري أفهـم دي دنيـا معوجـة
والكل فيهـا ماشـي ورا الهوجـة
بدل مانشحت و تحطـنا ف حوجـة
البـاب وراك وريـني وش الضيف
علي فكره سامعك بتقول عليا خسيس
أشتـم براحتـك ياعم يلا و هيـص
لولا ان سعـرك لسه تمنـه رخيـص
انا كنت بيعتـك من زمـان يا ظريف
علي اي حال انا غرضي مصلحتك
واخد قراري و هقل من راحتـك
ولو أعرف مكانك انا كنت شرحتك
علشان تعبت وزهقت من التعنيـف
كان حد ماسكك طب يلا ماتبيعني
وكمان ياعم شرحنـي قطعنــي
بكره هتـندم لما تخــسرنــي
وتقــول ياريتني كنت لسه نظيف
ده انا يابني نعمه ب الدنيا وما فيها
واللي باعونـي هايندمـوا عليهـا
ونـاس دي لو ماكنتش انا فيهــا
يلا السلام علي الدنيا قـول يالطيف
طب خد تعالي زعلت ليه ده هزار
انا ربي فوقي وأخاف اخش النـار
رحـمن رحيم وعارف اني حمـار
وبستخف قال يعني دمي خفيـف
جميع الحقوق محفوظه !
للشاعر علاء البلتاجــي
للشاعر علاء البلتاجــي
06-09-2011,
ليست هناك تعليقات:
إرسال تعليق