رسالة_للخال_الأبنودي
رسالة_للخال_الأبنودي
لما افتكروك
وافتكروا قصايدك
وافتكروا الحتة اللي ف قلبك
بتوزع روحك في الشارع
كنت خلاص سلمت الدور
في طبق بّنور مليان احلام
طب والأيام
راح تعمل إيه في غياب حكاويك
فاطنة اللي كتبت لها الجوابات
بلسان جوزها في الغربة زمان
عرفت قيمة قلمك في الموت
هتعيش تنعيك بينها وبين روحها من غير صوت
عشان ميجوزش تنعي غريب
مع انك اقرب ليها من الأيام
هتقابل يامنة وتحكيلها غربة لياليك ؟
ولا هتتسامر وياها بكلام موزون
وتسمعها قصيدتك ليها
من كتر ما كانت واحشة عنيك؟
احكيلها ازاي عجّز قلبك في الدنيا وشاب
وبقاله اولاد واحفاد
وازاي لف بلاد وبلاد
وازاي الشيب ال طايل روحك لسه شباب
حابينك ليه
مع انك سايب جوه قلوبنا مرار قلاب
بيقلب وجع الدنيا علينا ويفضحنا
ويسيل دمعاتنا قصاد الليل
هتغيب ازاي وغناك محفور جوه القناديل
متغيبش وطل علينا كتير
من جوه سحابة او من خلف جدار الروح
وامانة عليك
سلاماتنا لكل اللي يقابلوك جوه الملكوت
وسلامنا للي زمان سبقوك
وسابولنا الذكرى تصبرنا
زي ما هتصبّر كل اللي قلوبهم فارقوك
#الله_يرحمه
لما افتكروك
وافتكروا قصايدك
وافتكروا الحتة اللي ف قلبك
بتوزع روحك في الشارع
كنت خلاص سلمت الدور
في طبق بّنور مليان احلام
طب والأيام
راح تعمل إيه في غياب حكاويك
فاطنة اللي كتبت لها الجوابات
بلسان جوزها في الغربة زمان
عرفت قيمة قلمك في الموت
هتعيش تنعيك بينها وبين روحها من غير صوت
عشان ميجوزش تنعي غريب
مع انك اقرب ليها من الأيام
هتقابل يامنة وتحكيلها غربة لياليك ؟
ولا هتتسامر وياها بكلام موزون
وتسمعها قصيدتك ليها
من كتر ما كانت واحشة عنيك؟
احكيلها ازاي عجّز قلبك في الدنيا وشاب
وبقاله اولاد واحفاد
وازاي لف بلاد وبلاد
وازاي الشيب ال طايل روحك لسه شباب
حابينك ليه
مع انك سايب جوه قلوبنا مرار قلاب
بيقلب وجع الدنيا علينا ويفضحنا
ويسيل دمعاتنا قصاد الليل
هتغيب ازاي وغناك محفور جوه القناديل
متغيبش وطل علينا كتير
من جوه سحابة او من خلف جدار الروح
وامانة عليك
سلاماتنا لكل اللي يقابلوك جوه الملكوت
وسلامنا للي زمان سبقوك
وسابولنا الذكرى تصبرنا
زي ما هتصبّر كل اللي قلوبهم فارقوك
#الله_يرحمه
ليست هناك تعليقات:
إرسال تعليق