اختيار اللانش بوكس وتجهيزه

 مع بداية دخول المدارس بتبدأ الأمهات في تجهيز اليونيفورم واللانش بوكس وكافة الأدوات المدرسية.

النهاردة حابة أوضح أهمية إختيار العلبة المناسبة اللي هنحط فيها الأكل لأولادنا..هي معايير بسيطة ولكن مهمة جدا.

أول نقطة لازم يكون مكتوب على العلبة رقم ٥، وكلمة BPfree أو BP فقط ودى معناها ان البلاستيك ده آمن وخالي من الرصاص ومحقق معايير سلامة الغذاء.

تاني نقطة ياريت العلبة تكون من ماركة معروفة لأن أحيانا ييتم غش النقاط اللي ذكرتها فى بعض الماركات الغير معروفة.

نيجي بقى لمحتوى اللانش بوكس نفسه..

فيه وصفات هنا على الويب سايت كتيرة تقدروا تاخدوا منها أفكار زى (ميني بيتزا، كوكيز الشوفان، مافن الموز، ناجتس منزلية، مكرونة بالتونة) كلها هتلاقوها بالمقادير والطريقة بالتفصيل.

لكن بالنسبة للفكرة الرئيسية ضروري يوميا نحط ليهم حاجات مغذية تمدهم بالطاقة زي (المكسرات، الفاكهة، الخضروات)

يفضل طبعا لو هتحطي لأولادك ساندويتشات زى الجبن والبيض تبقي عارفة إنه هياكلها خلال أربع ساعات من ساعة تحضيرها لأن قانون سلامة الغذاء العالمى يحذر من وضع الأكل خارج الثلاجة بدرجة حرارة الغرفة لمدة أكتر من أربع ساعات وإلا هتبدأ البكتيريا بالانتشار في الأكل وتبتدي تعمل مشاكل لاقدر الله بالجهاز الهضمي.

النصائح:

• اللانش بوكس لا يغني عن تناول طعام قبل الذهاب للمدرسة. احرصي علي أن يتناول أبنائك أي شئ و لو بسيط في الصباح قبل أن يذهبوا للمدرسة مثل:

  • فاكهة.

  • زبادي.

  • بسكوت.

  • ألواح الإفطار (Breakfast bar) 

  • لبن سادة أو لبن بالشكولاتة.

 

• اجلسي مع أولادك و اتفقي معهم علي المنيو و اجعليهم هم من يقوموا بالكتابة (اذا كانوا في سن مناسب) و اجعليها فرصة للتوضيح لهم و الاتفاق معهم علي أهمية الأكل الصحي و قوموا بعمل اختيارات تتناسب مع هذا الاتفاق.

• علقي المنيو الخاص بكل طفل علي الثلاجة حتي يشعر بالأهمية و النظام.

• قولي وداعا للساندوتشات! فهناك أفكار بديلة سنطرحها في هذا المقال فالأطفال يملوا من السندوتشات التقليدية.

• اعدي لنفسك أيضا افطارا شهيا و انتي تقومي بإعداد اللانش بوكس لأولادك ثم اجلسي في هدوء لتتناوليه بعد أن تودعيهم الي المدرسة.

ربنا يحفظ أولادنا جميعا

وكل سنة وأنتم طيبين