رباعيات الأحزان (( يا بكرة ))
يا بكره شيفك من بعيد
أسمر غميق
لا نور ينور سكتي
ويبل ريق
والحزن يرسم في الوشوش
تجاعيد عجز
تملي الملامح والرتشوش
حوجه وعوز
والخوف بينقش في القلوب
صوت الجراح
والليل يطول من غير قمر
يملي البراح
يابكر عارف سكتك
مفهاش رجوع
تاهت وضاعت خطوتك
وسط الدموع
مليون طريق بيبعد
الخطوه اللي تاهت
وسط المتاها والغيوم
دموعنا سالت
عشنا الحياه بألف وش
وألف لون
خداع ومكر خيانه غش
كدب وظنون
يا بكرة حملك علي الكتاف
تقل الجبال
خيبت أمل والشعر شاب
والبخت مال
راحايه تطحن عمرنا
في سنين عجاف
وتدوس وتقتل حلمنا
اللي بنا عاش
عارفين يابكرة قوتك
جرح القلوب
سجنك سجنا بقسوتك
ومافيش هروب
كلمات الصدق
فارس الليل الحزين
محمد عطية محمد
13/11/2022
ليست هناك تعليقات:
إرسال تعليق