فيها ايه بقلم كابتن احمد - منتديات غزل وحنين
فيها ايه بقلم كابتن احمد
#فيها_ايه لو روحت اى مطعم واتبرعت للمحل بتمن ساندوتش من ضمن عشر سندوتشات اشترتهم لنفسك والمحل ده وفر وجبات مجانيه للفقرا اللى بيعدو قدام المحل بيبصو للى جوه كانهم من عالم تانى يا حضرات نظرات الجائع ان لم تحرك الشبعان انتهت الانسانيه وماتت الى الابد ولكن ربنا ادخل فى قلوبهم القناعه بحيث انه اصبح بيبص ليك بابتسام وهو يتمنى لك زياده النعمه #فيها_ايه انك تتبرع بجزمتك وجزم ولادك اللى كبرو عليهم او صغرو او حتى قدمو لاى اسره فقره معندهاش غير جزمه واحده ومقطعوعه مليون قطع ومفيهاش مكان لتصليح ولكنهم راضيين بيها ومش بيسئلوكم ولا بيسئلو الناس الحافا تحسبهم اغنياء من التعفف #فيها_ايه لما تتبرع بهدومك القديمه وهدوم ولادك لاسره فقيره او يتيمه معندهمش ولا حتى هدمه واحده تحميهم من برد الشتا او شمس النهار ومش لاقين الوان مختلفه غير اللبس الوحيد اللى بيغيرو ويغسلوه ويلبسوه وانت مش حاسس بيهم ولكن ربنا احسن منك وهو معاهم #فيها_ايه لو شنطك وكتبك وحجتك اديتها ليتيم او فقير او مكسين ان بتشوفه دائما وتمصمص شفيفك وتقول فى سرك الله يكون فى عونك يبنى انت وامك ومش جالك قلب تقف جمبه او تروح تسئل عليه وتعرف وتكون قريب ليه وتعطيه مما اعطاك الله #فيها_ايه لو عندك تلفزيون او خلاط او رسيفير او كمبوتر قدم واعطيته لبتاع الروبيكابيكا لانه يشوه منظر الشقه فيها ايه لو اتبرعت بيه لمسكين او غلبان صدقنى لو دورت على غلابه هتلاقى كتير عارف انت مش لاقيهم ليه لانهم اغنياء من التعفف عمرك مهتلاقى لانهم كبريائهم هيخليهم اغنى منى ومنك وهم اغنى الناس #فيها_ايه لما توزع ابتسمتك ع الناس حتى لو فيك ملايين الهموم وتضحك وترضى بالمكتوب والمقسوم وتدور على حد محتاج اكتر منك وترجع له الابتسامه اعلمو ان كان بكم هم ومش راضيين فيه غيركم عنده مليون هم وراضى وبيضحك ربنا مديك كتير وزعلان فيه غيرك معندوش وفى قمه الرضى والانبساط ما اروع الرضى والقناعه كنز لا يفنى لو شايف مفيهاش حاجه ارسلها لغيرك ارجوكم #كابتن احمد |
ليست هناك تعليقات:
إرسال تعليق