جريدة غزل قلوب مصرية : سقف الأحلام بقلم احمد رامى

سقف الأحلام بقلم احمد رامى

سقف الأحلام

اسيبِك وامشي؟

مقدرشِ على بعادِك

لكن صعب اني ابقالِك

عشان عارفِك بتنسيني

كل الأرقام المرسومة بتقول نفِّذ

اضغط على زر العمر وطير جوه المتاهات

راح ياخدك تغيير المسافات

لكن راح ترجع للأول

بعد ما تنهي دورك فى الكادر

الصبر.. الصبر

السكة طويلة متستناش

متسيبش العمر يضيع ببلاش

بيع الأحلام

اشترى ورقة حبرها ألوان

واركب على ضهر بساط الريح

غمض عينك واهرب منك

ادخل جواك من غير تصريح

دور على نفسك واحكيلها

جايز هتكون مش فاضيالك

مشغولة بروحك وكلامها

لكن في الآخر هتجيلك

فاستسلم ليها عشان ترقيك

واتقوقع فيك

واخرج من روحك من غير صوت

حسيت بالموت؟؟

متخافش البرزخ مش فاضي

هتعيش لكن بتموت جواك

الريح واخداك

تتنقل فوقها بجسم تقيل

لكن شايلاك

الروح شايفاك بتنازع فيها بعزم ما فيك

سقف الأحلام واقع فوقك

لساك عايش

والموت لساه ميجوزش عليك

الموت لساه ميجوزش عليك

جريدة غزل قلوب مصرية