إنْتِ حُرَّه شعر/محمودالعزب - منتديات غزل وحنين

إنْتِ حُرَّه شعر/محمودالعزب - منتديات غزل وحنين

إنْتِ حُرَّه شعر/محمودالعزب

---

إنْتِ حُرَّه شعر/محمودالعزب









لَوْ كات العَجَلَه تِمشى

كُنت اتْعَلَق بِرِمشـى

على أوَل الطريـق

واْعمِل سايس وأُسطى

ولاأحتاج لِواسطَـه

علشان القاك رِفيق

وعْنيَّا ماتِبقَىَ نامِت

ولاأحاسيسى اللِّى خابِت

ولازهَّـقـنـى لُقـاك

واْنْتِ ساعِةْ ما شوفْتِك

جيت قولْتِلِك سلامْتِـك

وكَـتَـبْـتِلِـك دَواك

ورضيتى برضُه تِقْسى

واْتْعَتْوَر ويَّا نَفْســى

واْصْحَى وتانى الْتقاك

واقْفَه فوق المَداخِـل

ولاحاسَّه باللِّى داخِل

أو بالخانِق ضِيَّـاك

وأصَحْصَح واْنْتِ نايمه

ألاقيكى لِسَّه حالْمَه

بااللِّى ماعاش معاك

واْمْسِك طراطيف صوابْعِك

أعرَف مِنها مشاعْرِك

واللِّى مْلَوِّث هَـواك

واْرْشَق عينى فى عينِك

تِهْرَب مِنِّك سِنينِك

واْجْرى بْقِِوَّه وراك

تِمْسِك إيدى المَواجِع

واللِّى ضايع وواقِع

واللِّى عَدانى بْعَماه

واجرى دمِّى ف عروقى

وتْروقـى وتِرْوى شوقى

ولاتِبْقى حُب تـــاه

وان كُنتِ ناويَّه تِرْسى

ماتْرَسِنيش وتِنْسى

إنِّك نبض الحيـاه

وانِّك صُبحى اللِّى طالِع

وفَجرى الجَىِّ ناصِــع

والفَرْح الجاى وراه

وتعيشى وانتِ حُرَّه

وتكونى ياحبِّى دُرَّه

وحُب مافيش سِواه

وحُب مافيش سِواه.



8/10/1995

•