إصحى يا مصــرى...بقلم حاتم العسكرى - منتديات غزل وحنين

إصحى يا مصــرى...بقلم حاتم العسكرى - منتديات غزل وحنين

 
إصحى يا مصــرى...بقلم حاتم العسكرى

---

إصحى يا مصــرى ..





‏

إصحى يا مصرى



و شيل اللحاف ..



قوم يا مصرى



و أوعى تخاف ..



ثور يا مصرى



حتى لو تاكلها حاف ..



ليه نسيت



إن الوطن محتاج إليك ..



ليه نسيت



إن نصره دا واجب عليك ..



و الله ما ارتاح



و لا يهنالى بال



الا اما اشوفك يا مصر



فى أحسن الأحوال ..



و الله يا مصر عمره ما هان



علينا حضنك و كل اللى كان ..



عمرك يا مصرى ما كنت يوم جبان



مش حاقول كلام متدارى



و لا حاخاف ..



و لا حاقول مش خارج من دارى



و أشد اللحاف ..



لازم نثور و نحرك الأحجار ..



لازم نشعلها ثورة



نور و نار ..



نور ينور سكة الأحرار



و نار تحرق كل طاغية جبار



عمرها ما تكون ثورة جياع



دى ثورة على الحلم اللى ضاع



ثورة على كل خاين و اللى باع



لازم يرجعلنا حلم الكرامة



مش حايقتلوا فينا الشهامة



مش حايقتلوا فينا الشهامة

--------------------------

حاتم العسكرى

كتبتها فى 23 يناير 2011