رباعيات الأحزان (( القصة والحكاية ))
مانتش حمال أسيه
يا قلبي حرام عليك
تعبت من الشكية
أرحم دموع عنيك
القصة والحكاية
أنت تعبان معايا
وآخرتها في النهاية
ترجع والجرح فيك
الطيبه مش أونها
خلاص راح زمنها
والكره أخد مكانها
والكل جه عليك
صدقني ياقلبي جرحك
أبدا مالوش طبيب
تملي بيجي همك
من اللي تسميه حبيب
مافيش حب حقيقي
ولي عشق يبل ريقي
وبقابل في طريقي
أشباح وقلوب وحوش
الليل أسود غميق
ضلمة تخبي الطريق
معدتش أحساس برئ
والحزن لون الوشوش
كلمات الصدق
فارس الليل الحزين
محمد عطية محمد
14/2/2021
ليست هناك تعليقات:
إرسال تعليق