رباعيات الأحزان (( هاخد بتارك ))
هاخد بتارك ياقلبي مللي خانوك
وكل لحظة هتعدي بيخسروك
ويدوقوا حسرة الندم لمي باعوك
تبكي عنيهم بحرقة علشان سابوك
ماهو كل قصة في الهوي
ليها نهاية
مافيش نصيب نكون سوا
ودي الحكاية
أنا قلبي عارف سكته
عشق وحنين
مغرم هايم لهفته
للعاشقين
هاخد بطارك من اللي باعك واللي خانك
ونسيي حبه ليك وغيرك خد مكانك
وداس علي عشرة سنين مبقاش حبيبك
ما رحمش عينك من الحنين الله يعينك
ماهو كل حكايات الهوي
فرقه وبعاد
والحب ضايع في الهوي
بقسوه وعناد
أنا قلبي صاين وعدهم
عاشق حبيبه
دايب في قصة حبهم
هو ونصيبه
هاخد بطارك كل لحظة وكل ليلة
وأنسي اللي سبنا لوحدنا أيام طويلة
بكرة يحس بحبنا ويندم علينا
تبكي عيونا في بعدنا ومايلاقينا
ماهو قصة حبنا
بعد وفراق
يموت هوانا في قلبنا
والأشتياق
أنا قلبي حاضن فرحته
وراضي بنصيبة
راسم ملامح سكته
ويزيد حنينه
كلمات الصدق
فارس الليل الحزين
محمد عطية محمد
29/11/2022
ليست هناك تعليقات:
إرسال تعليق