رباعيات الأحزان (( فضة ودهب ))
أحنا عارفين الحياه
فيها فرح وفيها آه
واللي فاكرينة النهاردة
بكرة يجي يوم ننساة
كل لحظة تفوت تعدي
فيها درس وليها ذكري
والقرار لو كان بيدي
أبتدي من تاني بكرة
أي جرح وليه طبيب
والسنين محتاجه صبر
والشعور أحساس غريب
حلمنا مدفون في قبر
الدموع تملي العيون
ضحكة ماتت علي الشفايف
دبلت ورد الجفون
كل شئ حولينا زايف
خطوة تاية في ميت طريق
في الوشوش مرسوم ألم
وأتخطف قلبي البريء
وأنكسر سن القلم
كل ليل عاشق نهار
والحنين نبض القلوب
مهما طال الأنتظار
تتولد شمس الغروب
ألف كلمة أعتذار
والسكوت فضة ودهب
مهما كان الأختيار
النصيب ربك وهب
عشقي مش محتاج كلام
حبي ظاهر من عنية
والحبيب ورد الغرام
والهوا باين علية
كلمات الصدق
فارس الليل الحزين
محمد عطية محمد
18/12/2023
ليست هناك تعليقات:
إرسال تعليق