عريسى بقلم ناجى أنس - منتديات غزل وحنين
عريسى بقلم ناجى أنس
عريسي
عريسى بقلم ناجى أنس
عريسي
شعر/ ناجى أنس
وسمعتك بتقول من قلبك
ليا حاجات من احساسي
بإحساس حبك
مسحت مني أهات واهات
بدلتها بأهات م الحلوه
حبك جاي منك من قلبك
قلته عليا لناسي بعشقك
خلتني بمشاعر ودك
فيا عزيمه وبقيت أقوي
وكفايا انا حاسه بصدقك
لما نادتني بام الدنيا؟
أحلي كلام من قلبك منك
اتطمنت في لحظه وثانيه
هو انتوا بقي مش عارفين
ان انتوا ياناسي نور العين
جبت العشق دا كله منين ؟
من ناس حلوين .طيبين
ولا إنت جبته من فين؟
انا كده حاسه اني بهيه
وانت بعشقك ليا ياسين
تستاهل في كلامك ليا
تسعين مليون بوسه وبوسه
وعشان حبك ساكن فيا
حاسه كإني عروسه محروسه
انت عريسي ياسيدي أكيد
قلبك طيب لكن جامد
وانا بيك باجمد
بإيمانك بالله الواحد
وبأمه عيسي ومحمد
دولا الناس اللي ببيباركوا
ليا لما طلبت اديا
احساسي انك تاج علي راسي
شاورلي عليك فشاورت عليا
وقبل ما تطلب ودي إختارت
تحميني من غدار خان
بيخلصني وبينهيني
مبقاش بيهمني انا منهم
يا لاممهم بإديك وحاميني
مش حاتكلم تاني وأقول
وسكوتي بقي بالمعقول
يعني علامه رضا وقبول
شكرا وباقولها وشهودنا
علي عقد محبتنا ناسنا
مع شهدائنا وصوت مأذونا
اعلن فرحه وانا بالطرحه
باحس بناسنا الحلوه جايه
بتقري فاتحه وصوره وآيه
دفا وفا ايد حاضنه الإيد
جوه جوامع تعلي وتعلي
أجمل زغاريد فرح وعيد
وقلبي سامع فرحه مينا
وفاطمه ومريم واحمد
ليست هناك تعليقات:
إرسال تعليق