حبيبتى بِجَد شعر/محمود العزب - منتديات غزل وحنين

حبيبتى بِجَد شعر/محمود العزب - منتديات غزل وحنين


حبيبتى بِجَد شعر/محمود العزب

---

حبيبتى بِجَد

وميـن يـقـدر يخلِّينـى بـعيـد عنهـا

وهيَّه ف عينى طول عمرى وانا ف عينها

وعامل شركه ويَّاها وصاينهـا

وجوَّه ف قلبى وكيانى ووخدانى

بكل مافيها من فَرَحى وأحزانـى

ولايمكن تغيب عنِّى

وكل ماعَنـدَها مِنِّى

ومش ناوى ولا لحظه أغيب عنهـا

ومين قـال إنَّها قاسيـه وحَرمانـى

وهيَّه اللِّى اشترت بُعـدى وسايبانى

وزغلِّل عينها وخايلها اللِّى جَنِّنهـا

ومين عارف يجوز آنى اللِّى جابرها

على إهمالها كااااااااااااام ليله وآمِرها

تعيش من تانى أوهامها فى طول ليلها

ومستنِّيها ترجعلى واقاتلها

واعاتبها واحاسِبها واعَذِّبها

وانا النايـم علـى ودانـى

وانـا اللِّى سِبتهـا تعانـى

وانا الظالم وانا القاسى وانا الجانى

وانا والله والنِّعمهْ نويـت تانـى

أفرَّحهـا واعوَّضهـا وهالقانـى

سعيد بيها وهيَّه سعيده علشانـى

وهابقالهـا واحَنِّنهـا وهادمِنهـا

ماهيَّـه كـل فَوَقانـى ورَوَّقانـى

وساكنه ف قلبى وكيانى ووجدانى

ومش ناوى ولالحظه أغيب عنها

وهيَّـه يـاعـينـى واخـدانـى

وشَدَّانـى وعجبانـى وعشقانـى

وانـا فِعـلاً باكـون من غيرهـا وحدانـى

وهيَّه ف عينى طول عُمرى وانا ف عينهـا.

هيَّه ف عينى طول عُمرى وانا ف عينهـا.







شعر/محمود العزب

17/4/2010

• 
  
  
  
• |
•