الدنيا برد - منتديات غزل وحنين

الدنيا برد - منتديات غزل وحنين

 
الدنيا برد

---

الدنيا برد مسقعه

والواد هدومه مرقعه

وبطنه دايما توجعه

وشويه هوا توقعه

غلبان ونفسه يعيش شريف

ولايبقى بيته هوه الرصيف

وان حب ياكل يجيب رغيف

سخنه وقبه مفقعه

يصله وحاميه ترجعه

يضحك ويسأل ربنا

يارب نفسى خلينى اعيش

ارزق واكل كباب وشيش

رمونى اهلى عشان حشيش

وامى تقولى دايما مفيش

وناس كتير يا عينى واقعه

بطون وفارغه تحسبها شابعه

وانا عاوز اعيش مبقاش خسيس

مصرى حكايته انه اصيل

بنى فى هرمه وزراعته نيل

اكل بعرقى وعلى كتفى اشيل

يا مصرى انك عمرك طويل

يوسف نبى فسرها سبعه

يارب انت خليها راجعه

واحفظها ربى من كل بدعه

مصر اماته فى بنت جدعه

تحمى ولدها من كل خدعه

والفقر سوى بين ناس وناس

خلى حديدها بسعر ماس

يارب انت نزعت بركه

ارزقنا دايما شغل وحركه

#sherefabdulla_

• 
  
  
  
• |
•