عاوِز حقِّى شعر/محمود العزب - منتديات غزل وحنين

عاوِز حقِّى شعر/محمود العزب - منتديات غزل وحنين

عاوِز حقِّى شعر/محمود العزب

---

عاوِز حقِّى شعر/محمود العزب





ومين قال إن انا أضعـف من الماضى

وعن حالتى أنا موافـق وانا راضـى

على تدميرى لمصيـرى وع الفاضى

ومين قال إن انا فَقْـرى ودا قَـدَرى

ومن خوفى من الضلمه باقوم واجرى

ومن جنبى باسيب إبنى يموت بـدرى

ومين قال إن انا مادافعش عن أرضى

وعن أهلى وعن بيتى وعن عرضـى

واسيب يأسى يبيع نفسى بدون عوضى

ومين قال إن انا هافضـل كده ضايـع

واوافق إن اعيش منسى وابان صايـع

وابات عطـلان ولا شـارى ولا بايـع

ومين قال إن انا هافضل كده على طول

ماليش منظر ولاهاقدر فى مرَّه أقـول

أنا عاوِز يانـاس حقِّى ومُش معقـول

والاقى الكـل ويَّـايَّـا كتيـر وقليـل

وحَسُّـوا بإنِّهـم زىِّ بعانـوا الويــل

وطالبوا بحقِّى وحقوقهم وشدُّوا الحيـل

ولاخِبنا ولاخِفنـا الظـلام بالليـل

وخلُّوا حياتنا وبإيدنا تقول مواويل

على نهارنا وعلى حالنا وعلاشانَّا

وأصبحنا وأمسينا بشكل جمييييييييييييل

وأصبحنا وأمسينا بشكل جميـــــل.

....................................

1/4/2010

•