سيرك بقلم احمد رامى - منتديات غزل وحنين
سيرك بقلم احمد رامى
سيرك بقلم احمد رامى
سيرك بقلم احمد رامى
صاحبك..
آخر من كتب إسمك على حيطانه
وأول من محى ضلك من شخبطة قلمه
تركك كما عابر سبيل
مرسوم على باب المعابد رحلتك
بيسَكِّتَك صوت الشَقا
إنسان غريب ..
وكانت غلطته الكبرى
إنه بني حلمه فوق طرف السحاب
كان فاكر ان الريح هتبقى فـ السما
كما نار ابراهيم "برداً.. سلام"
كانت سلام ..
لكنه مخلوق للوداع مش للُّقا
حبيبتك ..
وكلمة مكتوبة بين السطور
مستنية ترسم على عيونها حياة
الحرف تاه عشان مش لاقي سكتها
فاختفي لوقت غير معلوم...
منصوبة الخيمة فـ أرض بَراح
مبسوطة الزينة على اكتافها
كل العابرين تبعوا هتافها
طوابير واقفين
فتنط عشان الكون مسافات
ومسافتك واصلة لتحت الـ.. "فوق" بالكام سنتي
هم مساحة عقدة خيطك
ترقص ؟!
أرقص .. لكن من غير ما المس أرضي
وحدك واقف فوق الحافة
ماشي بترسم دنياك أحلام
ورقك رافض يتقبل سطر حياة فيها
سلسال رابط كل الصفحات على طرف الخيط
لو تقطع عقدة من الآخر تخسر ضحكة
فتسيبها وتدخل فى المشهد
وعنيك تشهد بدايات العرض
ملك الغابة
أبو شنة ورنة وصوت بيهد اجدعها بلد
دايماً فـ السيرك بيبقى ملاك
واقف قُدام البني ادمين
مخلوق من نور
وبيكشف كل حواشي الطين
كل الفراشات
بتطير تتلون وتكون شكل الفرحة
وبعلو الـ .. "سقف"
بتتشعلق في الحلم انها مش جوّا السجن
فبترجع تاني لطبيعتها
حرة وحابسها الحلم سنين
ووشوش..
مرسومة بشكل الضحكة الـ مبتخلصش
بتعد وراها ساعات علشان الوقت يفوت
تجري وتدَّارى ورا الكواليس
وتسيب كوابيس الضحك ترفرف ع المسرح
تفتح طاقة فى عيونها لمجرى الدمع على الخدين
الجوكر في السيرك بيكتب إن نهاية اللعبة حياة
مع إنّه وجع
والصوت بيروح له بـ "آه" وبـ "ياه" وبـ "يلا نكمل باقي العرض"
مع إن الأرض رمادها طلع
في السيرك حاجات دايماً بتشوفها ومتعيشهاش
وورا الكواليس فيه حاجات بتعيشها ومتشوفهاش
فيه حاجات بتضيع وتموت علشان ترسم فرحة
وحاجات الفرحة تفسرها
فبتخسرها أو تكسرها
علشان تتعاش
صاحبك..
آخر من كتب إسمك على حيطانه
وأول من محى ضلك من شخبطة قلمه
تركك كما عابر سبيل
مرسوم على باب المعابد رحلتك
بيسَكِّتَك صوت الشَقا
إنسان غريب ..
وكانت غلطته الكبرى
إنه بني حلمه فوق طرف السحاب
كان فاكر ان الريح هتبقى فـ السما
كما نار ابراهيم "برداً.. سلام"
كانت سلام ..
لكنه مخلوق للوداع مش للُّقا
حبيبتك ..
وكلمة مكتوبة بين السطور
مستنية ترسم على عيونها حياة
الحرف تاه عشان مش لاقي سكتها
فاختفي لوقت غير معلوم...
منصوبة الخيمة فـ أرض بَراح
مبسوطة الزينة على اكتافها
كل العابرين تبعوا هتافها
طوابير واقفين
فتنط عشان الكون مسافات
ومسافتك واصلة لتحت الـ.. "فوق" بالكام سنتي
هم مساحة عقدة خيطك
ترقص ؟!
أرقص .. لكن من غير ما المس أرضي
وحدك واقف فوق الحافة
ماشي بترسم دنياك أحلام
ورقك رافض يتقبل سطر حياة فيها
سلسال رابط كل الصفحات على طرف الخيط
لو تقطع عقدة من الآخر تخسر ضحكة
فتسيبها وتدخل فى المشهد
وعنيك تشهد بدايات العرض
ملك الغابة
أبو شنة ورنة وصوت بيهد اجدعها بلد
دايماً فـ السيرك بيبقى ملاك
واقف قُدام البني ادمين
مخلوق من نور
وبيكشف كل حواشي الطين
كل الفراشات
بتطير تتلون وتكون شكل الفرحة
وبعلو الـ .. "سقف"
بتتشعلق في الحلم انها مش جوّا السجن
فبترجع تاني لطبيعتها
حرة وحابسها الحلم سنين
ووشوش..
مرسومة بشكل الضحكة الـ مبتخلصش
بتعد وراها ساعات علشان الوقت يفوت
تجري وتدَّارى ورا الكواليس
وتسيب كوابيس الضحك ترفرف ع المسرح
تفتح طاقة فى عيونها لمجرى الدمع على الخدين
الجوكر في السيرك بيكتب إن نهاية اللعبة حياة
مع إنّه وجع
والصوت بيروح له بـ "آه" وبـ "ياه" وبـ "يلا نكمل باقي العرض"
مع إن الأرض رمادها طلع
في السيرك حاجات دايماً بتشوفها ومتعيشهاش
وورا الكواليس فيه حاجات بتعيشها ومتشوفهاش
فيه حاجات بتضيع وتموت علشان ترسم فرحة
وحاجات الفرحة تفسرها
فبتخسرها أو تكسرها
علشان تتعاش
ليست هناك تعليقات:
إرسال تعليق