عليه العَوَض شعر/محمود العزب - منتديات غزل وحنين

عليه العَوَض شعر/محمود العزب - منتديات غزل وحنين

 
عليه العَوَض شعر/محمود العزب

---

عليه العَوَض شعر/محمود العزب



عليَّا وعليكوا وعلينـا العَـوَض

فى كل اللِّى ضايع وقالوا انقرَض

واشوف فينا هِمَّه وعالَم بِذِمَّه

وأخيار كتيره ومالها عَـدَد

ونِرجع فى عيدنا نجيب للعيال

عروسه أصيله وآخر جمـال

ونعرف نجيب للبنات العـريـس

ولايصيبهـا عِلَّه بدون الونيـس

ونِصْلِح مسارنا اللِّى بان مُنحَِرف

ونلقى اللِّى خايف لِنفسُه اعتَرِف

بإنُّه اللِّى ضيَّع بصمتُـه اللِّى طال

جميع المبادئ وجـاب انحـلال

لعقله وعيلتُـه و خاين حبيبتـه

وساب الفضايح بتملا الصفايـح

وعمره ف حياته مابـان السنـد

وكل اللِّى عاملُه بجَـدْ إترفـض

عليَّا وعليكـوا وعليه العَـوَض

علينا جميعاً نعيش ف السليـم

ونقضى ع اللِّى مابان مُستقيـم

ولا بان فى بالُه سوى بس حالُهْ

ونسيانُه دايماً لحالنـا الأليـم

وعامل بيفهم وماهـش عليـم

بإيه اللِّى حاصل وفاضل هَـدَد

وباعِد مشاعـره

وبُصبُغ فى شَعْرُه

وسايب ودانُه وقاعِـد مكانُـه

وخايب ونايـب ولا بيتخَمَـد

وآخر المَتمَّـه يسايسنا لَمَّـا

يكون لسَّه عايز ينام واتفَـرَد

وعايش حياتُه لهذا الغـرض

عليَّا وعليكوا وعليه العَوَض

عليه بس وحدُه

الإلاه يلقى عَبدُه

فى عيشه هَنيَّه

ويبقـى بنيَّـه

بِـأدِّى فـى سُنَنُّـه

وبِخْلِص فى فَرضُه

وشيـل وبعظمتُـه

وجلالتُه اللِّى عارضه

وساب فينا عيبُه وجاب المرض

عليَّا وعليكوا وعليه العَـوَض

عليه العَــــــــوَض.





9/4/2010