إستحملت كتير شعر/محمود العزب

إستحملت كتير
شعر/محمود العزب

إستحملت كتير علشانك
وانا ياحبيبتى بااعلى ف شانك
وعاوزك تبقى جميله وحلوه
وتفضلى فى عينيا من جوه
ومافيش قوه تهد آمالك

وتعاملينى بصفاء النيه
وانا باعمل كل اللى عليا
وباقول لك
على إيه اللى ناقصنى
وباتعشم قلبك ينصفنى
ونفسى حقيقى يتغير حالك

وانا والنعمه ماحبيت قدك
ولا باقدر أبدا على بعدك
وغيابك اللى بيقتلنى
وبيخلينى على طول باشاكلنى
وانا من حبك عمرى ماشاكك

وان لابد هانعمل حاجه
ولاهاتكونى ياروحى محتاجه
ولاعمرنا حبنا هايخيب
وهايكون لنا فى حياتنا نصيب
وربنا فى عيشيتنا هايبارك.

9/6/2020