إحنا كده
شعر/محمودالعزب
إنت كده وانا كده
وحياة مقام السيده
وقلبنا على بعضنا
ودنيتنا دى بتحبنا
وطول عمرنا ع الوضع ده
وباحب فيك من كام سنه
وانت اللى روح قلبى أنا
وباخاف عليك حتى اسأليك
هاتلاقى إنى روحى فيك
وباكيد بده كل العدا
وخلينا قادرين كل يوم
على إننا ننسى الهموم
ولما آجى لك ألتقيك
شايلانى فى حبابى عينيك
ومزاياك كده متعدده
واحنا ياروحى ع العموم
مع حبنا هانقول يدوم
وهانعيش انا وانت ف هنا
ولاحد هايكون زينا
وانت موافقه مش كده ؟!
13/6/2020
ليست هناك تعليقات:
إرسال تعليق