فرصة ضياع..بقلم احمد رامى - منتديات غزل وحنين
فرصة ضياع
طول عمرك عايش بدماغك
فرصة ضياع
طول عمرك عايش بدماغك
جاي دلوقتي تقول الناس
ملعونة بلاد الأعيان
أصحاب الكرش المليان
أرباب النفخة الكدابة
واكلين الحق المتهان
ازاي تتهرب من سجنك
فتروح لبلاد السجان ؟
ملعونة الفرصة اللي تبيعك
علشان لقمة مش من جيبك
ربك لما بيوهبهالك
بيسخر ليك الأكوان
تطلق على ضهر الريح الروح
تنسى ان زمان
كات أي جروح مَهمَن وجعت
مليانة أمان
ف الدمع النايم ف عيونك
خايف يهجرها ليتفارقوا
هتكون أهون من دمع عينيك؟
اتعلق فيك
خليك الأمل اللي باقيلك
الرحلة طويلة
وياما كتير دقت ع الراس
أبواب مقفولة بميت ترباس
واتفتحت من غير المفتاح
اأصل الفتاح لما بيؤمر بال "كن"
هتكون الأرض مطاوعاك
فاسكن جواك وبلاش البيع
عواد باع أرضه زمان قبلك
بقى عبرة ومسخة ف وسط الناس
نفس اللي قالوله الأرض مداس
رجعوا وغنوله وغنوا عليه
هتخاف من إيه ؟
أرضك !!
لساها مقام وضريح للي يفارق
حلمك !!
مكتوبلك تلقاه لو فارق
ربك!!
موجود لو طالت بيك المسافات
عارف خباياك
هتدور وتلف
وهتخلق م الفرصة الملايين
راح تلقى حياتك ف الآخر
واقفة وروحك عاوزة تفارق
ليست هناك تعليقات:
إرسال تعليق