سيب قلبك يختار
وبلاش فرض شروط
خليه يمشى المشوار
من غير ما يكون مخضوض
من غير ما يكون متردد
وبلاش الحلم تهدد
بكتر الأفكار
لما الرغبة تكون موجودة
وحبال الود تكون ممدودة
لازم يبقى قرار
سيب قلبك يختار
وبلاش فرض قيود
وحاذر من أفكار
ترميه فى طريق مسدود
وتعمل حوله حصار
مفيش أجمل من الحرية
دى حياتنا الطبعية
مش محتاجة حوار
سيب قلبك يختار
من إبداعات
الشاعر
طه الروبى
ليست هناك تعليقات:
إرسال تعليق