مش عايز أشوف
دمعة عيونك تانى
ولا تبان ضعيف
مش لوحدك إللى بتعانى
فى زمن مخيف
وفيه الخداع ألوان وصنوف
مش عايز أشوف دمعة
حزن فى عيونك
ولا يتغير كمان لونك
خليها على ربك صاحب
التصاريف
ليه شايل جواك من الزمن
تعالى بينا نصالحه
بلاش يكون خوفك وضعفك
للعزول مكشوف
خلى عندك عزيمة
وإرادة سليمة
وفكرة حكيمة
أصبح فعل الزمن لينا
عادى ومالوف
لا أول مرة ولا هتكون
المرة الأخيرة
لسه ياما كتير هنشوف
طول مالعمر فيه باقى
ودا شيئ طبيعى عادى
ومعروف
فيه ناس بتدفع تمن
وناس بتحوش المصروف
وناس بين البنين تزور
ما غير وطوف
من إبداعات
الشاعر
طه الروبى
ليست هناك تعليقات:
إرسال تعليق