بعد إيه جاى تعتذر
وتقدم دمعات الندم
بعد ما جف المطر
ودبل ورق الشجر
وكل شيئ كان فيه حياة
أصبح عدم
ارجع تانى معدش حلم
ولا امانى
والسماح بلاش تنتظر
بعد إيه جاى تعتذر
وتقول آسف ندمان
بعد ما وضح إنك
مش أهل ثقة ولا أمان
حد قلبه مكنش صافى
حد حبه مكنش وافى
عليه العوض فى ضمير
البشر
بعد إيه جاى تعتذر
بعد ما سهام غدرك
صابت صميم القلب
بعد ما ثمار فعلك
خلت حياتى صعب
بعد ما طال الإنتظار
والجفا منك كان القرار
هقبل دموعك تفتكر
خلينى أشوف جمال
خطوتك
وارجع تانى لسكتك
وياريت بلاش اسمى
على لسانك
من جديد يتذكر
بعد إيه جاى تعتذر
من إبداعات
الشاعر
طه الروبى
ليست هناك تعليقات:
إرسال تعليق