عرفت ليه انا سبتك همس قلب الشاعر/فتحى عيسى
عرفت ليه انا سبتك همس قلب الشاعر/فتحى عيسى
عرفت ليه ولا اجيبلك
من الجراب حاويه
ولا من جبال الشوك
زرعك وحافيه
عرفت ليه كان خوفى
منك بيهدنى وابنيه
وان كلامك ليا كان
صعب آآمن بيه
ياما قالولى عنك
ابعد عنه خليه
ده المر عنابه
والخداع ناديه
إلا قلبى يا عينى عليه
كان تمللى فى صفك
كان تمللى حاميه
تجرحه يغفرلك
تدبحه يعديه
كان مفتاحه فى يدك
ورضاك كل امانيه
تضحكله بس تضحكلك
كل الدنيا فى عينيه
وانت سارح فى يمك
على موج اغانيه
بترمى هنا قمحك
وهناك بتحصد
معانيه
عرفت ليه انا سبتك
ومستحيل ارجع
ليه
فتحى عيسى
ليست هناك تعليقات:
إرسال تعليق