أنا الطير المحبوس همس قلب الشاعر/فتحى عيسى
أنا الطير المحبوس همس قلب الشاعر/فتحى عيسى
أنا الطير المحبوس فى قفص الكلام
مقصوص الجناح مخطوف من روح الأيام
خايف اكل خايف اشرب خايف حتى
ابول بالكلام
لأن الخوف بقى صنعه
واكل عيش ومش حرام
وانا استاذ فى صنعتى
ببيع الخوف بالجرام
وبزرعه تحت جلد القهر
وببنيله مقام
ولأنى عارف أخرتى
وغلطتى تساوى كام
غيرت قصة كلمتى
وصبغتها بلون السلام
وقلمت اطافر فكرتى
وطلقتى ونوع السهام
ورفعت راياتى نعم
وكسرت لاءات القلم
ورفضت الأستسلام
للغول الساكن اطرافى
فى همى فى دمى
فى اوصافى
وفى كل مسام
لأن النهارده عايز
وبكره فيه كلام
فتحى عيسى
ليست هناك تعليقات:
إرسال تعليق