طلب بدون ورقة تمغة بقلم بنت الجنوب : شاهى ابايزيد
طلب بدون ورقة تمغة بقلم بنت الجنوب : شاهى ابايزيد
طلـــب بـــدون ورقـــة تمغـــة
لو ممكن تفضيلــــى
أحكيلك .....تحكيلــــى
أسقيكـى .... إمليلــى
أبعــد ........تعاليلــى
أقسـى .... إشكيــلى
لو ممكن تفضيلــــى
أحكيلك ..تحكيلــــى
أفــرح .... وأتألــم
أصـرخ ... وأتكلــم
جواكــى ..أتلملـــم
لو ممكن تفضيلــــى
أحكيلك ...تحكيلــــى
فـى عينيكـى خبينــى
وفـى حضنـك دفينـى
وبفهمـك ..غطينـــى
لو ممكن تفضيلــــى
أحكيلك... تحكيلــــى
بأملـك ..أنـا عايــش
من بكره مـش خايـف
ولنـوره أنـا شايــف
لو ممكن تفضيلــــى
أحكيلك... تحكيلــــى
حأمشـى ..وأجـــرب
حأبعـــــد ....وأقرب
من الدنيا مش حأهـرب
لو ممكن ..تفضيلــــى
أحكيلك..... تحكيلــــى
مش حأسمـح بكسـرى
ولا حأغرق فى نهــرى
ده أنا فـارس وعصـرى
لو ممكن تفضيلــــى
أحكيلك ....تحكيلــــى
يا سمرة ده دمى من دمـك
حأجيلك ....... وأقـول لــك
حبيتــك ......... من قبلـــك
ده
لو ممكـن
تفضيلــــى
أحكيلك
تحكيلـــــى
06-05-2010
ليست هناك تعليقات:
إرسال تعليق