خلقة ربنا ومفيش حاجة
ساكت سرحان فـ الولا حاجة
أدم من قبلك في الدنيا
عاش فتره لوحده فدى العادة
تشغلي بقي روحك بسؤاله
ماهو قاعد اهو ولا على باله
بتمدي ليه ايدك في شواله
قال يعني هتطلع فيها حاجة
راجع من بره وبيراجع
أحداث اليوم ويصنفها
كام مره بيهاجم ويدافع
في حروب الرزق وأطرفها
منهك م السعي و ألاضيشه
مستسلم له ولتلطيشه
مش ناقص عقلك ولا طيشه
لو قالك إن مفيش حاجة
في الساعة الواحده 200 مالك
وأهو مره يجاوب ويطنش
وإن قولتى حظوظى فى إهمالك
وإستني شويه وماهتمش
تضغطى بدموعك ونفوذك
تندبي وتمطي قوام بوزك
وتهون العشرة عشان جوزك
أقسم لك ان مفيش حاجه
ليست هناك تعليقات:
إرسال تعليق