أه يازمن
يادنيا أمرك عجب وأحترت أنا فيه
طول عمرى وحيد والحزن مخاوينى
والدمع ألم فى حضن البسمة بخفيه
ديما ألاقيكى من وسط الفرح تأخدينى
والحزن صبح لشيب الشعر كاسيه
ومن قسوة الأيام عملتى زى يكسينى
قعدت مع الزمان أحكى أنا وياه
وحس فيا الأه والوجع وألم سنينى
وشاف رسمه على الوش ماليه
حاولت أخبى بالبسمة دموع عينى
لكن سألنى .. وسؤاله بالقلب كاويه
فين جرحك ؟ ياريتك تورينى
وأحكيلى اللى تعبك يمكن أداويه
جاوبته .. ظلمنى الحب وبيعانينى
واللى حبيته وروحى بتشتهيه
حالت ظروف الأهل بينه وبينى
وحكمت أنت عليا وكمان عليه
نعيش عذابه ونار البعد تكوينى
وأسهر الليل بالحب أناجيه
ويحس بأهاتى وشوقى وأنينى
سيبنى يازمانى باللى أنا فيه
دا أنا اللى فيا يازمن مكفينى
بلاش جرحى تزيد وتصحيه
أصفى لى ولو يوم .. وودينى
لحبيب القلب أطوى أراضيه
يمكن همه أنسيه وهمى ينسينى
أعمل فيا خير يازمان وأخفيه
صالحنى مرة بالعمر وصافينى
ليست هناك تعليقات:
إرسال تعليق