رباعيات الأحزان (( تعمل أيه ))
تعمل أيه ......
لو أعز الناس بتبيعك
واللي تأمنه بيغدر بيك
واللي يزود دمعة عينك
يبقي أقرب واحد ليك
تعمل أيه ......
لمي أخوك يبقي عدوك
هو اللي بيجرح فيك
دايما حاسدك جايب سرتك
وبيتمني تبكي عنيك
تعمل أيه ......
لمي صاحب عمر يخونك
ولا أبنك يخالف طوعك
حتي بنتك تأسي عليك
كل شئ بيديق حوليك
تعمل ايه ......
أوعي تشكي
أوعي تعيط
أوعي عدوك
يشمت فيك
أرمي حمولك
سبها علي الله
ربك وحده
العالم بيك
مهما داقت
فرجه قريب
قادر ربك
وحدة معين
واللي خانك
واللي باعك
بكرة هيبكي
ويبقي حزين
الأيام بتعدي بسرعة
والأحزان مسرها تروح
طول ما عايشها برضا وصحة
هتلاقي معني حلاوة الروح
كلمات الصدق
فارس الليل الحزين
محمد عطية محمد
2/8/2023
ليست هناك تعليقات:
إرسال تعليق