رباعيات الاحزان (( لحظة سكوت وإنهزام ))
لحظة سكوت وإنهزام
انذبح القلم
ومات كل الكلام
ودمعنا مش هي المطر
والليل صباحه انكسر
يا خوف بتنقش
في الوشوش
وشم الألم
ملامحنا
من غير رتوش
سكة خطاوي متوهانا
على فين يا دنيا موديانا ؟
ما بين رجوع
ما بين متاهة
وردة اللي دبلت
على الغصون
شوكها ملى
ضي العيون
والضحكة هربت من الشفايف
غرقت في ليل حزين وزايف
نضيع في بكرة واللي جاي
ولسه الحنين في قلبنا حي
وضلي فارق خطوطي
تاهت ملامح سكتي
والصمت عشش في المكان
رحلة ألم
سكة عذاب
واللي هيفهم الحياة
هيعيش حزين لمنتهاه
كلمات الصدق:
فارس الليل الحزين
محمد عطية محمد
ليست هناك تعليقات:
إرسال تعليق