اللي يوجع
خالتي سافر جوزها للخليج
وساب عياله
آل ايه قل ماله
وسابك يا خالتي للوجيع
سابك تقابلي شياطين الربيع
سابك بدون برسيم يكفي للقطيع
وراح يدور ع الأمان
اللي اختفي من اصل داره
وسابه منقوص الحنان
يشتكي للخلق ناره
وفر فارك
وسابك بالآسي توجهي قرارك
اللي هو مش قرارك
وانخرب من بعده دارك
بس غصب عنه وغصب عني
اصل اللي في القمقم ده جني
ابن جني
خانك الاول وخاني
باعك الاول وباعني
ونعمل ايه لعيالنا يعني
ع الحسين وف باب زويله
تبقي ليله
من الف الف ليله
نمد ايدنا
وللي رايح واللي جاي نقول يا سيدنا
حسنه منك او رغيف يسد جوعنا
او غطي م البرد نداري بيه ضلوعنا
او شريط برشام نشفي بيه وجعنا
ويا ريته يكفي
ولا مليون غطي عاد يدفي
ولا برشام الاطبه لو خدناه بيشفي
ولا زرع النهارده بقي ليه امان
زرعه فاسده مرويه من بول الشيطان
جابها لينا وليكي يا خالتي جبان
كلمه ليكي يا خالتي ولكل اللي زيك
ابعتي للمحروس وقوليله يرجع
كل راجل ف البلد لابد يرجع
كل راجل ف البلد لابد يسمع
واللي ما راح يسمع الليلادي
بكره راح تغرق بلادي
واللي فيها اكيد هيوجع
خالتي سافر جوزها للخليج
وساب عياله
آل ايه قل ماله
وسابك يا خالتي للوجيع
سابك تقابلي شياطين الربيع
سابك بدون برسيم يكفي للقطيع
وراح يدور ع الأمان
اللي اختفي من اصل داره
وسابه منقوص الحنان
يشتكي للخلق ناره
وفر فارك
وسابك بالآسي توجهي قرارك
اللي هو مش قرارك
وانخرب من بعده دارك
بس غصب عنه وغصب عني
اصل اللي في القمقم ده جني
ابن جني
خانك الاول وخاني
باعك الاول وباعني
ونعمل ايه لعيالنا يعني
ع الحسين وف باب زويله
تبقي ليله
من الف الف ليله
نمد ايدنا
وللي رايح واللي جاي نقول يا سيدنا
حسنه منك او رغيف يسد جوعنا
او غطي م البرد نداري بيه ضلوعنا
او شريط برشام نشفي بيه وجعنا
ويا ريته يكفي
ولا مليون غطي عاد يدفي
ولا برشام الاطبه لو خدناه بيشفي
ولا زرع النهارده بقي ليه امان
زرعه فاسده مرويه من بول الشيطان
جابها لينا وليكي يا خالتي جبان
كلمه ليكي يا خالتي ولكل اللي زيك
ابعتي للمحروس وقوليله يرجع
كل راجل ف البلد لابد يرجع
كل راجل ف البلد لابد يسمع
واللي ما راح يسمع الليلادي
بكره راح تغرق بلادي
واللي فيها اكيد هيوجع
ليست هناك تعليقات:
إرسال تعليق