كان ياما كان - منتديات غزل وحنين
كان ياما كان
كان ياما كان
و كان يفتح كتاب عمره
و يقرا فى السطور قصة
فيسرح فى حياته زمان
و يلقا عمره كان فى أمان
عشان راحته كانت عنوان حكاياته
و كان الفكر مش تعبان
لا كان يحسب كام عدى فى ساعاته ولا يدور على ايه جاى و ايه فاته و سايب ضحكة على وشه فى كل مكان و كان ياما كان برغم العيشه كات ع القد لكن الفرح عدى الحد ولا عمره لقا احزان و كان ياما كان فى رحلة غريبة تاه فيها و شاف طيفها بيتشاقى و سحر الكون فى عنيها بدأ يعرف معانى الحلم و يسرح فكره و يودى و يسهر فى لياليها خيالها مالى افكاره و قلبه خبى اسراره مشافش الدنيا غير بيها فعاش فى خيال صورتها معاه فى احلامه و شاف الحلم ادامه عشان يوصل ضرورى يعدى اى محال و بدأ الفكر يتحرك يروح يتشاقى على روحه و يتشرط على قلبه و يشرط تبتدى جروحه بجرح الحب الممنوع من بوحه و كان ياما كان صبح غرقان فى الافكار بيرسم حلمه ليل و نهار و يملا روحه بالاسرار يفوت الليل و ييجى نهار و تطلع شمسها بنورها و كان ياما كان حلم بيها و لما اختار و شاف الحلم فى عنيها و قبل ما يلقا اى قرار وسط النور قادت شمسها بالنار و حرقت قلبه بالاسرار
و حلمه انهار
 |
ليست هناك تعليقات:
إرسال تعليق