افهم بقا - منتديات غزل وحنين
افهم بقا
مالك كده ؟؟
افهم بقا
مالك كده ؟؟
ما تفوق و تفهم
ايه يعنى حلمك غاب و تاه
زعلان عليه؟
بطل بقا
كفاية تحلم
و كفاية ترسم
و فيها ايه
لما القمر هيسيب مداره ؟؟
ماهو برده هيروح عند جاره
و ينور السكة البعيدة
ايه يعنى هتسيب السعادة
ماهى أصلها مكانتش ليك
ولا بين ايديك
ولا عمرها بصت عليك
ما تفوق بقا
بطل تعيش جوا الخيال
علقت نفسك بالمحال
و أديك بقيت من غير أمل
و مفيش مجال
انسى الدموع
مبقاش فيه فرصة للرجوع
مبقاش فيه وقت تموت كمان
فانسى اللى كان بينكم زمان
ماهو أصل عمره فى يوم ما كان
عَيِّشت نفسك جوَّا وهم
و ادِّيت امان
و أديك بقيت من غير مكان
سيب اللى كان بيفرحك
و انسى اللى جاى و هيجرحك
مفيش أمل هيريحك
فاعقل بقا
و اقعد هنا فى مطرحك
و ان شوفت جواك انهزام
سيب الآلام دى تدبحك
و تشرَّحَك
و وقتها ....
مات الكلام
ليست هناك تعليقات:
إرسال تعليق