كيف تعملي قناة كروشيه ناجحة على اليوتيوب ؟
ابدأي باللي عندك ؟؟؟؟!!!!1
متستغربيش بجد ابدأي باللي عندك
اول حاجة عايزين كاميرا حتى لو بسيطة , كاميرا موبايل مش لازم كاميرا احترافية
استاند للكاميرا tripod
تاني حاجة خامات الكروشيه : ابر – خيط – مقص – ابرة تنضيف
خلفية للشغل: ودي انا بعتبرها من اهم الحاجات اللي بحتاجها وهاقولك على نصائح مهمه:
عندك 3 خلفيات عن تجربة من احسن الخلفيات اللي ممكن تستخدميهم
الخلفية السوداء: ممتازة في عزل الصورة وبتوضح اوي الخيط وانتى بتشتغلي
بس عيبها الوحيد انك مينفعش تشتغلي بخيوط لونها غامق لان كدا مش هاتبقى واضحة خالص
لكن مع الخيوط الفاتحة : شغل واضح وكمان حتى لو الكاميرا اللي عندك مش احسن حاجة هاتخلي التصوير حلو جدا
الخلفية البيضاء: ممتااااااازة في العزل ومريحة للنظر جدا ليكي وانتي بتشتغلي وللمشاهد كمان
عيبها الوحيد هاتكون صعبة في الرؤية لو هاتشتغلي بخيط ابيض ولكن لو الكاميرا اللي عندك فيها عزل صورة
يبقى مفيش مشكلة
الخلفية الخشب: من اروووع وانجح الخلفيات ومفيش منها اي مشكلة تقدري تشتغلي باي لون خيط
تقدري توفري الخلفيات عن طريق قطعة قماش فقط مش هتحتاجي غير متر او 2 متر قماش
او مكتب او ترابيزة خشب او لونها ابيض او اسود
حاولي على قد ماتقدري ان الصوت يكون نقي مفيش اصوات جانبيه بيحسن اوي في الاداء العام للفيديو
فكري في اسم جديد للقناة
اعملي لنفسك صفحة على الفيس والانستجرام
ابدئي في قناتك بشرح الدروس الاساسية للكروشيه ومبادئ تعليم الكروشيه
خطوة شرح الدروس الاساسية للكروشيه مهمة ليكي جدا وهي:
تتعودي على الكاميرا واليوتيوب
تشوفي اسلوبك قدام الكاميرا وايه اللي تقدري تغيريه في طريقتك وتنوعيه
كمان تتعودي على المونتاج
اهم حاجة خليكي متنوعة وقدمي كل شئ جديد هاتنجحي باذن الله
من الحاجات المهمة في مجال اليوتيوب عموما هو الاستمرارية
خليكي على تواصل بالمشاهدين ولا تتجاهلي ردودهم عل الفيديوهات
من برامج المونتاج الناجحة والسهلة للمبتدئين filmora
اتمنى لكم النجاح …
ليست هناك تعليقات:
إرسال تعليق