هفضل أحبكِ
شوفتكِ فى صحوى ومنامى ضوء الامل وناس
وحاسكِ بقلبى إيمان صادق وبيكبر الأحساس
وشايفك جوة فى عيونى دره وأغلى من ألماس
وبحبكِ .. وهفضل أحبك يأغلى وأحلى الناس
ولكِ وحدك … مكانة ومنزلة ومزلزلة فى قلبى
يوم ما عرفتك زرعتك جوايا وردة رويتها بدمى
وحوطها بالشوق والأشتياق وأن كان مستخبى
بس النهاردة شوفتها … كبرت ورعرت بحبى
هفضل أحبك … ياللى حبك وصل لحد الأمتلاكِ
ماعدت شايف بين الخلق غيرك .. قدامى ملاكِ
ديما عطشان لقربك وأتمنى أعيش لحظة معاكِ
أروى بيها عطش حبى .. وأتنفس فيها هواكِ
بقول بحبك وحبك تاج نيشان ووسام على صدري
وكلمة بحبك .. حفرتها مع أسمك بقلبى وبخطرى
كلمة بحبك .. قلتها كتير سابق فى كل خواطرى
بس النهاردة بقولهالك بكل أحساسى ومشاعرى
هفضل أحبك وأصون حبك وأغلفه بحنانى وودى
هفضل أحبك طول ما النفس شغال بيأخد ويدى
هفضل أحبك لغاية ما ترفعني الأيادي الى لحدى
وهفضل أحبك لغاية ما يوارى تراب القبر جسدى
وهفضل أحبك
ليست هناك تعليقات:
إرسال تعليق