أحلى صدفة
لو تعرفى انا قد ايه بحبك وبصوتك بتأخدينى
ما كنتى تبعدى عنى ساعة ولا لحظة تفارقينى
أنتى هدية عوضنى ربنا بيكى حرمان سنينى
أنتى فرحى وسعدى وحبك بيجرى فى شرايينى
***
ده مش كلامى .. ده نبض حسى وأحساسى
ولا هو رد سؤالك .. ده كلام بيدور فى رأسى
وقبل ما أقول جوابى .. اللى أنا له مش ناسى
أحب من قلبى أقولك … أنتى أهلى وكل ناسى
***
سألتينى وطلبتى على سؤالك الرد بجواب
أنتى وأنا عارفين أننا أمبارح كنا أصحاب
وفى لحظة حسيتك وفيها الوعى عنى غاب
أحساس حبك تملكنى وأسمحيلى بدون عتاب
***
لو كنتى حبتينى فده يبقى يوم مولدى
ويوم سعدى وهنايا ومنايا أن تسعدى
ياقلبى وروحى يامن تسرى بالأوردى
ولو كان غير كده .. فشكرا لقصائدى
***
ومهما زاد شوقك أو حتى زادت لهفتك
شوقى ليكِ أكتر ومعاه غلاوتك ومحبتك
بسهر أعد الساعات وبتؤلمنى الذكريات
وبحلم تكونى معايا .. وأتوه فى دنيتك
***
بكل شوقى وحبى ليكِ ترجمتلك أحلامى
بنتظر جوابك .. لأجل مأفطر بعد صيامى
ياللى معاكى وبيكِ .. وبدعى ربى يخليكِ
وأكون بطلك وحاميكِ وبيكِ تحلو أيامى
ليست هناك تعليقات:
إرسال تعليق