ليه بتاخد حقنة التيتنوس لما مسمار يخش في رجلك !؟؟
ليه بتاخد حقنة التيتنوس لما مسمار يخش في رجلك !؟؟
هوضح بطريقة بسيطة ايه اللي ممكن يحصل لو دخل في رجلك مسمار ملوث و مخدتش المصل .
عندنا بكتيريا اسمها "clostridium tetani" سيبك من الاسم، دي بكتيريا موجودة علي الارض في التراب ، المهم لو مسمار مثلا موجود في الشارع و ملوث بالبكتيريا دي و انا دست عليه برجلي البكتريا دي هتتنقل جوا جسمي عن طريق الجرح اللي المسمار سببه ، "معلومة جميلة " البكتيريا دي علشان تسبب اذي للإنسان لازم يكون الجرح عميق بعيد عن الهواء علشان الهواء مبيخليش البكتيريا دي تشتغل و تفرز سمها ، يعني مثلا لو المسمار خربش دراعي بشكل سطحي اغسل الجرح و نضفه و متقلقش لأن الأكسجين اللي في الهواء مش بيخلي البكتريا تشتغل و تنتج سم و دي من رحمة ربنا .
تمام طب الجرح عميق ، البكتيريا عندها سم بتفرزه جوا جسم الشخص ، السم دا هو اللي بيعمل كل الأعراض اللي في الصور ، السم بيعمل تشنجات لعضلات الجسم و بيبدأ من مكان الجرح اللي مسببه المسمار تلاقي الجرح مكرمش و بعد كدا الخطورة كلها بتظهر ( الأعراض دي ممكن تظهر بعد ٣ ايام من الجرح ، أو تظهر لحد ٣ اسابيع من الجرح ، يعني ممكن بعد لما تتعور بمسمار بعد ٣ اسابيع تحس بالاعراض دي ) ، و بيبدأ جسم الانسان كله يتشنج ، واللي موجود في الصور تشنج عضلات الوجه فبيخلي شكل الوجه كما لو الشخص مبتسم اسمها ابتسامة الالم ، تشنج لعضلات الظهر حوالين العمود الفقري فيعمل الشكل اللي في الصورة انحناء و تقوص الظهر ، عضلات الضهر تتشد فتلاقي جسمك اترفع من النص ، و عضلات الرقبة يحصلها تشنج و الشخص ميعرفش يتنفس و لا يأكل و بعد كدا الشخص يموت .
طب الحل حقنة التيتنوس (tetanus toxiod) اللي كلنا نسمع عنها و ممكن كلنا جربها اسمها كدا علي اسم البكتريا خلي بالك و بكدا يبقي عرفنا لي بنروح ناخد حقنة تتينوس لما مسمار يدخل في رجلك . و انصح بزيارة اقرب مستشفي و هما هيتعاملوا .
ليست هناك تعليقات:
إرسال تعليق