عشان عارفك اكتر منك - منتديات غزل وحنين
عشان عارفك اكتر منك
عشان عارفك اكتر منك
 وعشان عارفك اكتر منك نفسي اتكلم وياكي عنك مااناحاسك بمشاعرك قبل أمااسمعلك باسمع من قبلك دقات قلبك لكني دالوقتي باصارحك خايف تزعلي لصراحتي والاقيكي اتغيرتي وروحتي وتقولي انجرحتي غيري طبعك مع حبك بطلي تتهوري تندفعي فكري قبل اماتقولي وتقرري يعني لاتهاجمي ولا تدافعي زي انا مابقدر كل ظروفك قدري ان دا قدري اللي بيجي في وقته وعمره مايجي متأخر اوبدري وشوفيني راعيني ذي اناماباشوفك جوه في عيني وباسيبك علي كيفك وبراحتك وبلاش تتعمدي وياالحب العصبيه اللي مش لايقه عليكي وصعبه عليا فيه فرق مابين نرفزتك وشقاوتك وبساطتك وغلاستك وغباوتك لما تكون خارجه عن سيطرتك وإرادتك ماكانتش بيدك لوفكرتي انك اكترمن حد ذكاء يبقي ده اللي اسمه غباء معلش اناباتكلم متعشم وبافضفض مع قلبك يمكن يسمعني ويتعلم ولو انتي كنتي خرجتي عن شعورك ولا ذودتي في غرورك يعني عشتي مثلا دور مش دورك باتحمل منك اي مشاعر بمزاجي مش غصب عني واناعارف ان دا غصب عنك باتعجب لامورك لو عارفه انتي اصبحتي إيه عندي وحياتك وغلاوتك عندي تساوي إيه عمرك ماتعاندي وتعاندي فيا ليه اتخلصي من عقدك بطريقه تناسبني وتناسبك احسن لي واحسن لك اصل انتي عملتي وعملتي واناسايبك علشان حاسك مش عاوز اسبب ليكي مشاكل ولاتاكلي حقي ولاحقك يتاكل وكفايا عليكي مشاكلك اللي اناباعرفها من حسك من صوتك وكلامك و سكوتك من همسك وسلامك من وشك وعنيكي من شكلك من بصاتك الحيرانه التايهه السخنه البارده الشارده التعبانه اللي مفيهاش تركيز كإنك طفله في حركاتك بيخونك حتي التبميز وامابالومك ولا اعاتبك الاقيكي ساكته وخاضعه عيله وبتستني لعبه او رضعه وباعترفلك وبرغم ان عيوبك بتعصبني بصراحه مزعجه بتغيظ وباشك انك ملكيش اي عزيز حبك بالنسبه لى يامصر لذيذ |
ليست هناك تعليقات:
إرسال تعليق