:: "بتاع" المزلقان :: - منتديات غزل وحنين
:: "بتاع" المزلقان ::
عامل المزلقان ..
مشعارف إذا كنت ..
مذنب وإلا غلبان ..
يا " بتاع " المزلقان ..
وإلا معملك عمل ..
يخلي بختك أسود ..
و ساعة القضا ..
غفلان ..
والعمل مربوط ..
فـ رجل كتكوت ..
واللي يعدي يموت ..
يا" بتاع " المزلقان ..
هقولك إيه ..
ما أنت عايش فـ الزمن القديم ..
وشايل فـ جيبك ..
مليم أحمر وتعريفة مخرومة ..
وقرش ساغ ..
أنت عامل مزلقان ..
والا عامل دماغ !..
"تكنشي " أعمى البصيرة ؟ ..
تسيب أرواح الناس ..
على كف قضبان ..
وتديها " تعسيلة " ! ..
وإلا أنت مالك؟! ..
فيه إيه مزعلك منا ..
يخليك كل يوم تقتلنا ؟ ..
والا أدمنت لون الدم ..
ومشهاين عليك الهم ..
يسبنا ..
دا دم ياعم الحج ..
مش " حنه " !..
وإلا احنا فـ زمن العجايب ..
وملكش ذنب ولا نايب ..
وكل خايب من المسؤولين ..
يجيب من الطين ويشيّلك ..
فوق احتمالك ..
وكل مصيبة يا " كبش الفدا "..
مكتوبالك ..
احترت والله معاك ..
وأقولهالك ..
مهو مش معقول ..
كل مرة يومين حبس ..
" واسبهالك " ..
عايز يابن الحلال ..
تاكل عيش ويبقالك ..
نربطك بمزلقان السِكة ..
عشان تشوف السِكة ..
يمكن تاخد بالك .
....
:: "بتاع" المزلقان ::
عامل المزلقان ..
مشعارف إذا كنت ..
مذنب وإلا غلبان ..
يا " بتاع " المزلقان ..
وإلا معملك عمل ..
يخلي بختك أسود ..
و ساعة القضا ..
غفلان ..
والعمل مربوط ..
فـ رجل كتكوت ..
واللي يعدي يموت ..
يا" بتاع " المزلقان ..
هقولك إيه ..
ما أنت عايش فـ الزمن القديم ..
وشايل فـ جيبك ..
مليم أحمر وتعريفة مخرومة ..
وقرش ساغ ..
أنت عامل مزلقان ..
والا عامل دماغ !..
"تكنشي " أعمى البصيرة ؟ ..
تسيب أرواح الناس ..
على كف قضبان ..
وتديها " تعسيلة " ! ..
وإلا أنت مالك؟! ..
فيه إيه مزعلك منا ..
يخليك كل يوم تقتلنا ؟ ..
والا أدمنت لون الدم ..
ومشهاين عليك الهم ..
يسبنا ..
دا دم ياعم الحج ..
مش " حنه " !..
وإلا احنا فـ زمن العجايب ..
وملكش ذنب ولا نايب ..
وكل خايب من المسؤولين ..
يجيب من الطين ويشيّلك ..
فوق احتمالك ..
وكل مصيبة يا " كبش الفدا "..
مكتوبالك ..
احترت والله معاك ..
وأقولهالك ..
مهو مش معقول ..
كل مرة يومين حبس ..
" واسبهالك " ..
عايز يابن الحلال ..
تاكل عيش ويبقالك ..
نربطك بمزلقان السِكة ..
عشان تشوف السِكة ..
يمكن تاخد بالك .
....
ليست هناك تعليقات:
إرسال تعليق