محمود العزب
شعر/محمود العزب
أنا إسمى/ محمود العزب
ولعشقى هيمان من سنين
فى الدنيا والدين أجمعين
ولحبى مليان بالحنين
ولاعمرى سلمت لغضب
وعلاجى عارفه عند مين
وقدرت افرق وبيقين
بين الهوس والموهوبين
والضلمه والنور المبين
ولاعقلى بسمح لى اتغلب
والشعر عندى عيدان بنور
أو زى نار فوق السطور
وتحس إنه مش بسيط
وتشوفه أحوط م الحويط
وتلاقى فيه حسب الطلب
وباقوله
وصفا في الحياه
إن كات جميله
أو حتى لا
والجبن فى قاموسى اتشطب
وان جانى وسألني الطبيب
عن حالتى هايبان لى حبيب
وهاقول له عن كل المعيب
ولابان له ولالحظه غريب
أو سلبى أو ناقص أدب
وانا إسمى محمود العزب
أنا إسمى محمود العزب
أنا إسمى /محمود العزب.
8/4/2005
ليست هناك تعليقات:
إرسال تعليق