تفاصيل إصابة 200 شخص في قنا بـ”حمى الضنك” وإيه هو المرض ده
تفاصيل إصابة 200 شخص في قنا بـ”حمى الضنك” وإيه هو المرض ده
من حوالي 3 أيام شوفنا في الأخبار إن فيه حوالي 200 شخص في جع سندل التابعة لقرية العليقات في قنا مصابين بأعراض متشابهة بين ارتفاع درجات الحرارة والإعياء وقيء ودوخة وتكسير عظام.. الموضوع ده أثار ذعر عند المصريين بأنه مرض جديد ممكن ينتشر خصوصًا بعد التروما اللي سببها كوفيد 19..
في الأول كان التصور إن دي عدوى من مجموعة شباب سافروا سفاجا ورجعوا حاملين العدوى واتنقلت بين أهالي القرية لكن دكتور عمرو قنديل مساعد وزير الصحة للطب الوقائي نفى الكلام ده وقال “الموضوع لا علاقة له بسفاجا”
وفورًا اتحركت قوافل طبية للقرية وعلى رأسها الدكتور عمرو قنديل مساعد وزير الصحة للطب الوقائي لمتابعة الوضع هناك وأخذ عينات من المصابين وذويهم ومن مياه الشرب والصرف الصحي ومن يرقات البعوض لتحليلها في المعامل المركزية للوزارة
وقامت الوزارة بإجراء وقائي ورشت القرية عشان تقضى على البعوض عشان تقدر تسيطر على انتشار العدوى لأنه كان مصدر العدوى
ومن ناحية تانية قدمت القوافل الطبية العلاج والرعاية للمصابين بمساعدة الوحدة الصحية بالقرية وصرفت أدوية للأعراض لحد ما تطلع نتيجة العينات
والنهاردة أصدرت وزارة الصحة بيان على صفحتها على فيسبوك وأعلنت عن هوية المرض وهو مرض”حمى الضنك”
وده بعد ظهور نتائج العينات ليرقات البعوض اللي أفادت بوجود البعوضة الناقلة لحمى الضنك وأخد عينات دم من الحالات المصابة وفحص الأجسام المضادة وفحص الحمض النووي اتضح إيجابية بعض العينات لمرض حمى الضنك (الحمى المؤلمة للعظام) وأكدت وزارة الصحة والسكان أن جميع الحالات المصابة هي حالات بسيطة وتلقت علاجها بالمنزل ولا توجد حالات من القرية تم حجزها بالمستشفيات نتيجة لمرض حمى الضنك ولا توجد أي حالات وفاة.. وبعض الحالات مرتبطة بحالات ظهرت عليها الأعراض في مدينتي سفاجا والقصير
طب إيه هي حمى الضنك؟
بتصنفها منظمة الصحة العالمية إنها عدوى فيروسية يسببها فيروس حمى الضنك ومش بيتنقل بشكل مباشر من البشر إلى البشر.. ولكن بيتنقل للبشر من تعرضهم لـ لسعات البعوض الحامل للعدوى.. والفيروس ده بينتشر في أكثر من 100 دولة على مستوى العالم..وتقدر عدد الاصابات من المرض بنحو 400 مليون حالة سنويًا…
والأعراض بتكون عبارة عن إيه؟
طبقاً لتقديرات منظمة الصحة العالمية فإن أكثر من 95% من الحالات المبلغة على مستوى العالم تظهر عليها أعراض خفيفة مثل (صداع حاد- ألم خلف العينين،-آلام بالعضلات والمفاصل- غثيان- قيء- انتفاخ الغدد- طفح جلدي) وعادة ما تدوم الأعراض بين يومين إلى سبعة أيام
والعلاج بيكون إزاي؟
الحالات المصابة بتستجيب للعلاج بمخفضات الحرارة (الباراسيتماول)
وللوقاية من المرض ده وصت الوازرة بالآتي:
أفضل سبل المكافحة هي تحسين مستوى النظافة العامة والعمل على منع تواجد القمامة والمستنقعات والمياه الراكدة اللي بتتواجده عليه البعوضة الزاعجة المصرية اللي نقلت العدوى
تغطية المياة المخزنة داخل المنازل لمنع تراكم يرقات البعوض عليها
ليست هناك تعليقات:
إرسال تعليق