حد فاكر هذه الايام

 

حد فاكر هذه الايام

 

 

اليوم بالصدفه علمت عن امتحان الثانويه العامه...اندهشت بما يحدث واسترجعت ايام بناتى وايامى ماذا حدث ...؟
قلت اعمل هذا الموضوع

 

حد فاكر...هذه الايام

 

حد فاكر لما كنا نروح المدرسه و نفتح كيسة السندوتشات نتكدر اووووى لو لقينا ساندوتشات جبنه بيضه ونفرح اووى لو لقينا معانا سندوتشات لانشون

 

طب حد فاكر اول يوم لما نرجع من المدرسه وننزل نجيب الكراريس و الجلاد مش البلاستك الى بيدخل بسهوله لا لا لا الفرخ الكبير الى بيتقطع و يتلزق بسلوتب وبعد ما نخلص نقعد نعمل الواجب فى كراريس الواجب عشان فى كراريس تانيه بتاعت الحصه و ماده العربى كان بيبقى ليها بتاع عشرتاشر كشكول مش عارف واحد للتعبير وواحد للاملاء و واحد للقراءه

 

طب حد فاكر اخر يوم فى الامتحانات كنا بنرجع البيت عاملين ازاى و يدوب نحط المقلمه و كنت اطلع عروستى واعمل لها فساتين

 

طب حد فاكر لما كان حد يجى يصحيك للمدرسه الصبح كنا بنبقى متكدرين اد ايه ونفسنا ننام اوى خصوصا فى الشتا وبعد ما نصحى نبقى نفسنا فعشر دقايق نوم كمان قال يعنى دول الى هيظبوظلنا بقيت اليوم

 

طب حد فاكر لما كنت تخلص السنه وتدى الكتب بتاعتك وسلاح التلميذ لابن الجيران او حد من قرايبك الى اصغر منك بسنه

 

طب حد فاكر المسطره المشرشره الى فيها سمك وميه و الاستكيرات الى كنا بنلزقها عالكشاكيل و القلم الرصاص الى بيتبرى لما يدوخنا وكنا بنزقطط اد ايه لما يتعملنا نجمه فى الكراسه ونمشى نتعايق بيها فى الفصل وسط العيال ولما يجى يعاقبونا يقولك اعمل الواجب الى مكنش حد فينا بيحبه اساسا 5 مرات و 7 مرات

 

مش عارفه انا ليه لما بفتكر الحاجات ديه بضحك اوى ياريت يجماعه لو حد فاكر كمان حاجه يفكرنا بيها اكيد هنضحك