ـ أنا واخد منك موقف
= و اخدته إزاي و منين
د أنا كل مواقفي شايلها
دائما تحت الرئتين
و علشانها مواقف جامده
نفسي دائما مقروش
وان كان علي رأيي بقوله
في وقته يالاء مامقولوش
فـ إزاي سهتني و اخدته
من غير ما اشعر بك وقتي
دانا طول الوقت في حالي
ومخبي بإيدي ورقتي
ولا عمري في ورقة غيري
بصيت ولمحت إجابه
فـ لبست الشخص وطبعه
و وقفت وقلت أدابا
ـ أنا واخد منك موقف
من كتر ماهو عصيب
عايز ارجعه دالوقت
وتجب لي بداله حليب
مع باكوا بسكوت مطحون
و سميط وعسل و زتون
وياريت كبريت مضمون
من اول حكه يـ إيد
لـ الموقف لما أخدته
كان نايم قوي علي خده
بسأله أم قال لى ده جده
طول عمره عازب و وحيد
ف فزعت في و دنه يقوم
و يلحلح كده و يفوّق
أم قال ماتسيني في حالي
لو قومت أكيد تتخذوق
أنا موقف يشبه عدمه
مربوط من أيده وقدمه
ولأن الموقف خدمه
زعق كام مرة و بوء
ليست هناك تعليقات:
إرسال تعليق