مش ممكن
شعر/محمود العزب
مافيش غيرك ياروح قلبى
بيشغلنى
وحبك اللى جوايا مطمنى
وبيحلى لى فى حياتى وجننى
لإنك كل يوم على حال
وسبحانه مغير الأحوال
إلى حبك يميلنى
وساعة الجد يعدلنى
وبالقى فى هواك روحى
وبلسم شافى لجروحى
وباعمل لك ماتتمنى
ومهما عليا تتجنى
باقول لمشاعرى إستنى
وخلينى ف حضنها مبسوط
لإنى بدونه جد باموت
وهيه اللى بتفهمنى
وحنيتها دى منى
وعمر هواها من سنى
ومش ممكن هاتهملنى .
4/7/2020
ليست هناك تعليقات:
إرسال تعليق